مصيبه الحصني اكل الذيب :

..هذه قصيده لحد شعراء عنيزه القداما

حيث عاش حياته شاعرآ وديبآ في عنيزه في القصيم

نامل ان تحوز على رضى القاري





توي شباب ودوك راسي غدا شيب

........ من ذا الزمان اللي برتني عكوسه

الوقت هذا خايف منه ومريب

........ هذا زمانا ما قرينا دروسه

وقت به الحصني بدا يفرس الذيب

........ يمشع مداسم هبرته في ضروسه

وفيه الكروان استوى له مخاليب

........ يشهر على طير الهداد ويدوسه

والحمره تجلس بعال المراقيب

........ والحر الاشقر بالطهاره جلوسه

حتى البقر تقطع بعاد السباسيب

........ عقب الظلال وطعمها لب كوسه

كم ثور هور ما يعرف المواجيب

........ الي ليامشى دلىٌ يناظر لبوسه

ولاهرج دلىُ يجيب التواليب

........ مثل العجوز اللي تذكر عروسه

يفزٌ له ويباشرونه بترحيب

........ عند الهيوس مقلطات فلوسه

وكم واحد تلقى لفاظه على الجيب

........ بالوعة ما يشبعنٌه خموسه

خمعٍ بحومٍ ما يداري المعاييب

........ يفرح اليا صارت كبار حلوسه

ما ياكل الا من فضال المعازيب

........ إما رجل ملحاح والا لسوسه

دايم عيونه تشبح الباب ويخيب

........ يتنى المره لما تجيه بغموسه

قل وش مرام اليوم دنياك ياديب

........ عزتٌ عياز وطمٌنت كل روسه

قل لي متى عنا تروح الغياهيب

........ وندخل بصبح شارقات سموسه




إبراهيم العبد الرحمن السيف

توي شباب ودوك راسي غدا شيب

........ من ذا الزمان اللي برتني عكوسه


صح لسان القائل


وسلمت يمينك ياخالد

عز الله إنه صادق في وقتنا الأشهب


اله يكافي شره




تحياتي

سلمت ياخالد..
إختياراتك مميزة كالعادة...
لاهنت ...








تحيااااااااااااتي.

قصيدة واقعية وجميلة

صح لسان قائلها وسلمت أنامل ناقلها

تحياتي

الاخ أبوعتب العطياني

لقد اسعدني مرورك الكريم

لك خالص تحياتي

ومن قال مايهون ياوصل العطياني

لك فائق تحياتي

خالد العصيمي

أبو هلال

مشكور كل الشكر على المرور الكريم

تقبل تحيات اخوك

خالد العصيمي