معجب العتيبي أقرب لا هنت

سلام يا عتيبة زحول الرياجيل =لطامة العايل وذباحة الحيل=
لكن تو الليل لا يسري الليل= قال المثل من عز نفسه و جدها




ابتدى القاف يا معجب وليلك طويل= مير عطنا علومك كلها كلها

الحمول الثقيلة مالها ألا شعيل= وانت حملتك فوقك شلها شلها

ابتدى القاف يا معجب وليلك طويل
مير عطنا علومـك كلهـا كلهـا

..
حياك الله ياخالد وصح لسانك يالقرم .

.. ننتظر رد ابو سلطان .....
..

اخوي خالد


ممكن تنظرني ثواني اخلص طاروقٍ من البارح عيا يخلص هههههههههه


لاتذهبوا بعيدا

خـذ راحتك يا معجب وأنا مادريت إن عندك طاروق

يامرحبا ياحرب يا اهل المهابه=
في حلة العتبان ذروة شبابه=
والليل مايسريه غير الذيابه=
قال المثل من عز نفسه وجدها=




جيت يالحربي وناديت مالك مثيل=كان عندك سوالف هلها هلها

وكانك اعطيت درب احذر عنه لاتميل=والدروب التعيبه خلها خلها

..


خالد الحربي

..

معجب العتيبي

..


ياسلاااام صحت ألسنتكم .. شعار مبدعين واصلووووا والصف لبوسلطان ولايهون خالد

دمتم

..

إلك البقا وأعداد مارفرف الطير= ولا اقول فيكم يا بن الأجواد تقصير=
حذرا تقرّب للسيوف البواتير=قال المثل من عزنفسه وجدها]


ما نبالك كثير ولا نبالك قليل= مير عقدتك هاذي حلها حلها




المزون أمطرت والسيل جاله مسيل= قل لربعك يا معجب قلها قلها






أخوي معجب العتيبي تكرار الكلمة فالشطر الثاني ترا ما هو لازم جات عفوية فأول بيتين فقط

مرزوق بن حمدان




صح بدنك يالغالي



شكرا على المرور

ناصرالجلاة


صح بدنك يالغالي


وشكرا للمتابعة

معجب

وخالد

صحت الالسن وبيض الله وجيهكم والليل الليل ياشعار

صح لسانك يامعجب بيض الله وجهك
ولا يهون خالد

الضيف نوفي الضيف كامل حقوقه=
وخوينا طول الزمن مانبوقه=
وعدونا للموت دايم نسوقه=
قال المثل من عز نفسه وجدها=




ودنا فيك يالحربي نسوي جميل=بعدها يالحريبي فلها قلها
نعمه وياعساها يم خالد تميل=وياعسى السيل دارك بلها بلها

الطيب و الناموس كل (ن) يجيبه= ما هو عليكم منحصر يا عتيبة
هاذي مصيبة يالعتيبي مصيبة= قال المثل من عز نفسه وجدها






صاحبك قرم ماهو يالعتيبي ذليل= والسيوف الصقيلة سَلها سَلها


من حمول الليالي وش تحط وتشيل= تِلها يالعتيبي تِلها تلها

عزالله انا ياهذا مانذمك=
واستغرب انه زاد ذالليل همك=
وكان الحقايق تزعلك لايهمك=
قال المثل من عز نفسه وجدها=



لايصيبك شكوك ولايزيد العويل=وان بدالك صعيبه جلها جلها

عن طريق الحقايق لاتدور بديل=والصلاة الصحيحه صلها صلها

شكرا لكل من اسعدنا بمروره من العمالقه



وصحة ابدانكم