يالمــور / عيد بن مربح

يالمــــور

عيد بن مربح شاعر بني رشيد شاعر لا يحتاج تعريفا وهذه احدى قصائده اخترناها لكم

يالمور خذ خانة الخامس من اليمنا=تحتر تبرد ترى الاخلاق خربانه
والله لتبطي وحنا ماتفاهمنا= مادام ميقوع ماعقبت قلبانه
لاتشتكي الظلم حنا الوقت ظالمنا=ودليل ظلمي تراك تشوف برهانه
البارحه مع ثلاث ايام مانمنا=مكينتك تشتغل والعين سهرانه
ان اقبلت خصمنا يقضي لوازمنا=صدقانة تستحل بيوت صدقانه
وان ادبرت شدنا يكرب محازمنا=ونجذب بدلوٍ يضيع ماه شقانه
نصيح لاقرب صديق ولا يجملنا=وتشوف رمز الغضب باطراف حجانه
والله يجيب الصديق الي يطمنا=ابساله عن غريب وحال جدانه
لو كان في بيت جدانه محطمنا=ياوسع صدري عليه فبيت جدانه
لو ميدنا البعد مرينا وسلمنا= مير البلا شوفة الديان ديانه
عز الله انا بها الدنيا تعلمنا=ًدرسٍ صعيبٍ على التلميذ نسيانه

وسلامتكم

لو كان في بيت جدانه محطمنا
ياوسع صدري عليه فبيت جدانه
لو ميدنا البعد مرينا وسلمنا
مير البلا شوفة الديان ديانه
عز الله انا بها الدنيا تعلمنا
ًدرسٍ صعيبٍ على التلميذ نسيانه


ههههههههههههههههههههههههههههه










بيض الله وجهك والله اني ابحث عن هذه القصيده اكثر من عشر سنوات


الله يجمل حالك وبياض وجهك على نقلها لمحبي الشعر




اشكرك جزيل الشكر

سلطان البقمي مرورك شرفني

لا هنت ياكحيلان وعيد شاعر علم وقصيده جزل يطرب المسامع لا تحرمنا ابداعاتك وجديدك

{ تحياتــــــي }

{ صــــــــــــارم عتيبـــــــــــــــــــــــــه }

لاهنت يالصارم على مرورك والله يوفقك ومشكور