17-Apr-2011, 10:14 PM
سلاما ً ورحمة ً من الله وبركاتة على الجميع ,
هذه أجدّ ما إستجدّ قصيدة أتمناها أن تجد قبولكم يرتبط بها حدثها ومناسبتها الخاصة
ياهاجسي مافيك ذله و لا أوجاع=أمهل على الصدر الضلوع المحاني
ماضاق بالي والمعاني به وساع=و إن ضاق ماضاقت وساع المعاني
تقرب من أقصى القلب وتهز الأضلاع=و يروح معها ينبض القلب ثاني
الصدر ضلعه ضلع والسد مناع=والفضل فضل اللي عطاه وعطاني
ماراح راح و فات مافيه مرجاع=النفس ترسي فوق بر الأماني
سمعت راعي كلمة ٍ ضاعت وضاع=ضيعته و ضيعتها في ثواني
فيها و فيه أفكار و أشكال و أنواع=و عجايب ٍ سبع و عجايب ثماني
و قد قلت ماله داعي و لا لها داع=يبا يهين العالم اللي يهاني
ياهاجسي تحكمك عادات وأطباع=و معاني و شعر ٍ القسى واللياني
مالاعت اللوعه ضميري ولاإلتاع=مير الشعر درب ٍ حداه وحداني
له معه باع , و له معي باع ٍ , و باع ٍ=يكتّف ذراعي ويطلق لساني
,,,,في راحة ذراع ,,إخذ راحتك ياذراع=خذ راحتك وأنا لساني حصاني
ياهاجسي فالسوق شاري و بياع=وفي الليلة السوداء سهيل اليماني
مير الله الله حولك أنظار وأسماع=وإحساس ناس,, وغمّ همّ ,,و زماني
وحط بخيالي للسفر موعد إقلاع=رود الفضاء وماكنّ , ماكان ..كاني
لي موقع وقمة ولا آقع على القاع=ياللي مكانك تعرفه من مكاني
شاعر طبع له فالشعر بصمة إبداع: ـ =يالشاعر,, المستشعر.. (اللي تعاني).!
المد فيه المد و الصاع بالصاع=وأمر الله إنّ جاء المبتلي.!! و إبتلاني
لا أسقى ظوامي ,,مثله ,, و لا أشبع جياع= مامن بصرّ و لا بصيره وأذاني
ما أنته بحول الروس تنقز على كراع=وأهل الرفاعه فوق يا أهل الطماني
ماتأصلون سباع ٍ و دونها سباع=واللي يدروني ليا جاء لقاني
والله لو تقدر على حب الأكواع=والله ماتخلف لا أهل الأمجاد شأني
وعلومك الملتمه أنصاف وأرباع=نفس تهان لسانها مايصاني
ولا أنته بلاعاصي ولا أنته بمطواع=طاريك يذكر مثل بيض السماني
تحلم وحلمك سينما خداع فخداع=ولاتهم فلان ولا فلاني
مقلوب قلب ٍ عاش والقلب مرتاع=بجنوبه يداحم جنوب ٍ متاني
وسلامتكم
هذه أجدّ ما إستجدّ قصيدة أتمناها أن تجد قبولكم يرتبط بها حدثها ومناسبتها الخاصة
ياهاجسي مافيك ذله و لا أوجاع=أمهل على الصدر الضلوع المحاني
ماضاق بالي والمعاني به وساع=و إن ضاق ماضاقت وساع المعاني
تقرب من أقصى القلب وتهز الأضلاع=و يروح معها ينبض القلب ثاني
الصدر ضلعه ضلع والسد مناع=والفضل فضل اللي عطاه وعطاني
ماراح راح و فات مافيه مرجاع=النفس ترسي فوق بر الأماني
سمعت راعي كلمة ٍ ضاعت وضاع=ضيعته و ضيعتها في ثواني
فيها و فيه أفكار و أشكال و أنواع=و عجايب ٍ سبع و عجايب ثماني
و قد قلت ماله داعي و لا لها داع=يبا يهين العالم اللي يهاني
ياهاجسي تحكمك عادات وأطباع=و معاني و شعر ٍ القسى واللياني
مالاعت اللوعه ضميري ولاإلتاع=مير الشعر درب ٍ حداه وحداني
له معه باع , و له معي باع ٍ , و باع ٍ=يكتّف ذراعي ويطلق لساني
,,,,في راحة ذراع ,,إخذ راحتك ياذراع=خذ راحتك وأنا لساني حصاني
ياهاجسي فالسوق شاري و بياع=وفي الليلة السوداء سهيل اليماني
مير الله الله حولك أنظار وأسماع=وإحساس ناس,, وغمّ همّ ,,و زماني
وحط بخيالي للسفر موعد إقلاع=رود الفضاء وماكنّ , ماكان ..كاني
لي موقع وقمة ولا آقع على القاع=ياللي مكانك تعرفه من مكاني
شاعر طبع له فالشعر بصمة إبداع: ـ =يالشاعر,, المستشعر.. (اللي تعاني).!
المد فيه المد و الصاع بالصاع=وأمر الله إنّ جاء المبتلي.!! و إبتلاني
لا أسقى ظوامي ,,مثله ,, و لا أشبع جياع= مامن بصرّ و لا بصيره وأذاني
ما أنته بحول الروس تنقز على كراع=وأهل الرفاعه فوق يا أهل الطماني
ماتأصلون سباع ٍ و دونها سباع=واللي يدروني ليا جاء لقاني
والله لو تقدر على حب الأكواع=والله ماتخلف لا أهل الأمجاد شأني
وعلومك الملتمه أنصاف وأرباع=نفس تهان لسانها مايصاني
ولا أنته بلاعاصي ولا أنته بمطواع=طاريك يذكر مثل بيض السماني
تحلم وحلمك سينما خداع فخداع=ولاتهم فلان ولا فلاني
مقلوب قلب ٍ عاش والقلب مرتاع=بجنوبه يداحم جنوب ٍ متاني
وسلامتكم
