:- مرثيه في شهيد الوطن عبدالجليل بن شارع

هذه مرثيه في الفقيد المغفور له بإذن الله تعالي اللواء الشهيد : عبدالجليل بن شارع
بثراء شاعري للشاعر : تركي بن متلع القبــــع ؛









أحسن الله عزانا و أحسـن الله عـزاه = في فقيد القبيله وفـي شهيـد الوطـن
علموا مشعـل إنـه زاد قـدر ٍ وجـاه = يرفع الرأس مـن بيتـه لحـد اليمـن
في شجيـع ٍ تقـدّم يـوم زادو عـدّاه = ماقصـر خطوتـه يـوم المنايـا بـدن
إمتحيـزم بـربٍ مايخـيـب رجــاه = نصر و الا ترى مـأوآه جنـة عـدن
أنذر العاصي إللي تايهن فـي خطـاه = سلّـم النفـس قدّامـك رجـال الأمـن
بس عيـى يعطيـع الخبـل والله بـلاه = يحسبنّـه يبـى يقفـي بلـيـا ثـمـن
وإشتبك بالرصاص إللي عليهـم بـداه = قام يمطر عليهـم مثـل وبـل المـزن
وإعتزا إللي يطوّع من بدا فـي نحـاه = ثابـتٍ فالمواقـف مايـهـز الجـفـن
قال دون [ الوطن ] تركد جميع العصاه = لعنبـو جـد منهـو فالمعـارك جبـن
إيه أقوله وَ أنا من رؤوس قوم ٍ دهـاه = عزوة ٍ لعتزت تطحـن عداهـا طحـن
صوّبه وسط رجله يـوم مـد ورمـاه = قام ينزف وريده مـن صـواب العفـن
و إقتضى اللي على الوقفات يأخذ قضاه = أعدم المجرم إللي وسط رأسـه فتـن
ولع الماص الأحمر لين خيـب رجـاه = قال خذها ومـن كـف العتيبـي كفـن
ومن لسانه رساله قبـل وقـت الوفـاه = بإسم جيش ٍ مرابـط ياوزيـر الأمـن
والله إنـا لبـو متعـب نـجـدد ولاه = بيعـة أجدادنـا أيـام خيـل وهـجـن
ياوطنـا وحنـا دون حــدك حـمـاه = ثابتيـنٍ علـى حـدك دروّع وحصـن
والله إللـي عطانـا والله إللـي خـذاه = راح مِنـا شهـيـد وباقيـنـا وطــن

صح لساااااااااااااااانك ولسااااااااااان الشاعر تركي والله يرحم شهيد الوطن

الله يرحم ...........اللواء عبد الجليل ...............ويسكنه الجنه............


وصح اللسان الشاعر ... وشكراً على النقل.



وتقبل خالص تحياتي...........................متعب الند

سعد

صح بدنك ولا هنت