مالي معك فزعه وانا من عتابه

قصيدة سلمان السبيعي

فاروق انا في عالي الرجم جريت=صوت تجاوب مع صداه الذيابه
على اللذي وسط الضماير بنا بيت =ثبت مكانه بالضمير ولجابه
ماغيره أحدٍ يالعتيبي تمنيت =هو منوتي من دون كل القرابه
ليته يجيني بالغلا مثل ماجيت =ليته على قلبي يخفف عذابه
ليته درى عن ونتي يوم ونيت =ليته يحس بحالتي في غيابه
في غيبته لاني بحي ولا ميت=صارت حياتي والممات امتشابه
فاروق انا بنخاك ياطيب الصيت =يابن الرجال اللي تفك النشابه
بنخاك ياللي بالمراجل تعليت=فزعتك ياراعي الكرم والمهابه

رد فاروق


راع الهوى دايم كثير التشاتيت=ولا لوم ياقلبٍ غديبه نهابه
والحب يثر فالقلوب المفاخيت=نمر اشتكى مابه ومرشد بكابه
ياعنك ودبيان خلى السباريت = مع درب موضي ماعليها سرابه
شرب السراب وقال كني تشاويت=اليوم قلبي طاب ساطي صوابه
ويوم افختت روحه ثقال التناهيت=ونوخ ونزل عن ذلوله زهابه
جنه تفاريق المحبه مخاريت=وهلت دموعه مثل وبل السحابه
وابطى يصوت للجمالين تصويت=مع دربهم يشكي على الناس مابه
والناس للعشاق فزعاتها ليت =واللي يبي من ليت ويش تهقابه
ياعزتي له من كلام الشواميت= ماحدٍ نقل همه ولا احدٍ سعابه
وان كان ياسلمان في حالك اقديت=ربعك رجالٍ سلمهم يقتدابه
وانا ليا منك لقولي توحيت=يمك بغير الراي مارد جابه
مادام في حبل القرابه تلويت=مالي معك فزعه وانا من عتابه
ازبن على ربعك ليا منك انويت=زيزوم عامر من عصور الصحابه
اما ولد مطلق عشير المناعيت=والا عيال وليد شيب الشيابه

يعطيك العافيه اخورفعه قصيدتين في منتهى الروعه
سلمت يمينك

صح لسان الشاعرين

لاهنت ياخو رفعه