قصيده في المرحوم ::الشيخ صنيتان بن عامر العريض

[صورة غير متوفرة] (http://up.arabseyes.com/) العاب (http://games.arabseyes.com)




يالله ياللي كل عبدٍ ترجاه
تقبل دعا عبدٍ رفع لك يدينه

طالبك ترحم خالي اللي فقدناه
وتجعل كتابه ياخذه في يمينه

وفي جنة الفردوس داره ومثواه
ومع النبي يحشر ومع تابعينه

وياعالمٍ قلبي وسره وما اخفاه
ياعلمٍ ما اخفا الضمير وكنينه

تغفر لابو معضد وتمحو خطاياه
اللي رحل عنا وقفت سنينه

عمر بطيب الصيت والفعل دنياه
ومشى على دربه ونهجه ودينه

وعلى قبال الضيف ما احلا محياه
له وقفةٍ بين النشاما ثمينه

والفرض لا نادا مناديه لباه
يمشي وفي مشيه خشوع وسكينه

على الصلاه ودربها ما اسرع خطاه
وتقصر خطاه إعن الدروب المشينه

لاعدو اهل الدين والطيب والجاه
يطرونه أصحاب العقول الرزينه

رحل وهذا كل حيٍ وممشاه
وذكره بقى فقلوبنا حافظينه

لكن عسا الفردوس داره ومثواه
وتجعل كتابه ياخذه في يمينه

عبدالرحمن المقاطي