شاكي الجرح

هيضتني ياشاكي الجرح للجرح=واشعلت في جوفي لهايب وقيده
الله حسيبك مانقص حالي الشرح=ولانقص نبكي لحي(ن) فقيده
وياللي بنا للحب في خافقه صرح=وامسا على انقاضه يضمد وريده
عزفك غرز بالقلب شوكه من السرح=ونزف من عيوني دموع جديده
ارحم مريض القلب من قاسي الطرح=مادام عن ماضيه روحه بعيده
لاينفع الشاكي ولا فاقد الترح=الا تعود ايامه اللي فريده
وياشاكي (ن)جرحك تقل مابعد برح=الله حسيبك كيف جرحي تعيده

هلابك شاعرنا راشـــــد وصح لسآنك بحجم الكووون
دمت مبدعاً ولاعــــــــدمنا وجووودك.

ارحب ثم ارحب ابو طلال الشمري
وصح بدنك يالكفو لاهنت