يالربع انا فاقدن مرزوق مدري وين مرزوق!!!!!!!

يالربع انا فاقد(ن) مرزوق مدري وين مرزوق=يامن يبشر عنه واعطيه من عندي بشاره
نبا نفزع رجال البحث من برقا ومن روق=تبحث عنه وين راح الله يرده في دياره

الله الله

سجل متابع


حاجز مقعد

الفالح صح السانك
وننتظر الابداع
تقبل التحيه

يالربع انا فاقد(ن) مرزوق مدري وين مرزوق=يامن يبشر عنه واعطيه من عندي بشاره
نبا نفزع رجال البحث من برقا ومن روق=تبحث عنه وين راح الله يرده في دياره
,

,,
الله

الله يالفالح
صح السانك
ونبا ندور مرزق
ونأخذ البشاره .....

ما فيه داعي تنشد يامقر الجود والذوق = تعرف مكاني وياليتك تكرم بالزياره
باب التواصل معك ياصاحبي ماهوب مغلوق = بس انتبه لاتسويها على مثلي شطاره

..
.

راعي المراجل

سهم العضيان .
..
ابو تركي ..
تعطرت الصفحه وازدانت بحروفكم.
الف شكر .
...
.

صحت السنتكم زمتابعين وياسسسسسسلام سلم

...
.
السيل الحافي
هلابك وتشرفنا متابعتك يابن العم
....
..

وش لون ما فيه داعي وانت غايب عن هل السوق=ماعاد تشري ولا تبتاع في سوق التجاره
نبا نسولف ولا يدري عن الاسرار مخلوق=وانته تعرف الخبر والحر تكفيه الاشاره

يالفالح الله يدبر مايشاء والرزق من فوق = والسوق ماعاد فيه الا المشاكل والخساره
السر محفوظ محد ٍ يكشفه في وسط صندوق= سولف واسولف وكل الهرج مطلبنا خياره

صحت السنتكم يالفالح وابو محمد


متابعينكم يالنشاما




الجيب

خلوووووها
هذي سبايبك يا جماز تترك كل مطفوق=ايدهور السوق وقروشه بسلفه واستعاره
اخر زمانك يامرزوق العتيبي هزك الشوق=وأعذرت فالمنتدى وانته مكلف بالاداره

لن قاله الله مايعبث بوسط السوق مخلوق = مادام فيه الرجال اهل الشهامه والنعاره
يالفالح الله يحفظك ليه قلبك كله احروق؟ = اشرب من الماء ... وكثر لجل تخفيف الحراره

الله خلق والاوادم بينهم ميزات وفروق=بس امنع اللي يسوق بدون رخصه واستماره
ترى كلامك هذا يابومحمد غير موثوق=مار انت مشوارك التالي مسبب لك غياره

ياسلا ابداع ومتعه صحة السنتكم وواصلو

الاوله معك فيها بالمجنن مابه ارفوق = والثانيه حسبك الله فيك ياكبر العياره
هرجتك هذي علاها يالعتيبي نطلب حقوق = والجدي والله ليبطي ماتغيّر عن مداره

الرجل يعرف بقلب وعقل وايضا حسن منطوق=ويشب ناره ليا من كل رجلن شب ناره
ابشر بما تطلبه يا صاحبي والحق ملحوق=واخاف يركب علاك الحق ياراع الوقاره

السلام عليكم ورحمة الله وبركاته ..

أبو محمد ... والفالح ..

كالعاده أساتذه ويستفاد منكم ...

واصلوا ..فنحن متابعين :)

تحياتي

..
.
صح لسانك يابو فلاح..
.. وفعلا انت استاذ .
...


.
اودعك
والى لقاء اخر ..
...

..
.
عايض الحبابي
مرحبا يابو علي..
..
نورت الصفحه ..... والمحاوره انتهت ..
...
ولكن شد حيلك الليله .. :)
...

صح لسانكم ماقصرتو

..
.


صح بدنك ياحمود ..
...
.