قبل ترحل

=جتني قبل ترحل وتعلن سفرها
=قالت وداع وباللقاء مالك نصيب
=هلت مدامعها ولدت نظرها
=قالت فمان الله يا أول حبيب
=راحت وانا عيني تناثر عبرها
=متوشحن بالصمت والموقف صعيب
=دمعه ورا دمعه ونفسي كسرها
=وداع خل ٍ كان لاعماقي قريب
=وبعد ابعدت ناديت والعين ترها
=من مدمع ٍ زوّد علي المتاعيب
=شف جفن عيني كل دمعه نثرها
=لجل الفراق ودمعتي يا الغلا عيب
=وش هي المدينه عقب سافر قمرها
=ظلمه ودمع ٍ للموداع تصابيب
=لدت ومدت لي كتيّب صورها
=قالت هذا البومي ومعه المكاتيب
=واقفت وروحي زاد فيها ضررها
=زادت جروحي جرح لايمكن يطيب
=راحت سنين وحالتي في كدرها
=والشوق جمره عذب القلب تعذيب
=راحت سنين العمر وانا انتظرها
=متأمل ٍ ترجع وتطف اللواهيب
=وجتني بعد ذاك الرحيل وسفرها
=قالت وداع وباللقاء مالك نصيب

رائد الجديعي