انشد خلف وانشد رشيد الزلامـي

...
..

احدى روائع المبدع

شاعر الوزن الثقيل/ سلطان بن وسّام الهاجري


اضرب على قوقل وعطني اعلومه=مالك ومال مجمعيـن الكلامـي
وليا غدا لا سماء الرجاجيل حومه=فالمعمه مثـل الجـراد التهامـي
أحداً يبيع ارخيص واحداً يسومـه=تحصل اسمي مع كبار الاسامـي
بشعراً اليا مر الخشوم معرومـه=يطيح من عوج الخشوم العرامي
وقل للمغفل لا يواصـل هجومـه=ترا نظامه يختلف عـن نظامـي
مابيني وبينه نقـاش وخصومـه=ومخاصم الجهال عيب وحرامـي
لعل جسمـه يسترنـه اهدومـه=ويجوز عن طرد الهواء والغرامي
شعرة يغذيه التـرف والنعومـه=ارهف من النسمه وريش النعامي
وشعري بحر ماكل رجلاً يعومـه=انشد خلف وانشد رشيد الزلامـي
قل منهو اللي ماتثنـاء عزومـه=اذا احتما الميقاف والشعر حامـي
مثل السحاب اللي ترادم اغيومـه=من يحتمي دورة عـده الملامـي
في موقفاً ماحداً يخلـي لازومـه=كلاً تلفـت للفشـق والحزامـي
احداً تفاخر به ربوعـه وقومـه=وأحداً مع الزحمه عليه السلامي
هذا رسالـه مبهمـه ومختومـه=مع جزيـل الشكـر والاحترامـي


القصيدة صوتية
777
77
7

انـــــقــر هـــنــا (http://www.mergab.com/sh3r/sultan_alhajree/Google.ram)

مودتي

.

يعطيك العافيه ياخلف علي النقل

قصيدة رااائعه لشاعر علم


اضرب على قوقل وعطني اعلومه
مالك ومـال مجمعيـن الكلامـي
هههههههههه عزالله صار مثل لهل النت

مشكوووووووووور

مشكور اخوي على النقل الجميل

وسلطان شاعر كبير

وبيض الله وجهك

ابن مرزوق
صح لسانك ولسان الشاعر . سلطان رائع وانت كلك نظر

تحيتي.........

مشـكور اخوي على االنقل الجميل

تقبل تحيـاتي

ابن مرزوق صح لسانك ولسان سلطاان
ومشكور على النقل الجميل
مع اطيب وارق تحيه

السلام عليكم ورحمه الله وبركاته

الله لا يهينك يا خلف على نقلك الرائع

وعلى شاعرك الوزن الثقيل الشاعر سلطان الهاجري

ولك مني تحيه

لاهنت على الجديد يا الغالي

وشعــــــــــــري بـــحـــــــــر مـــاكل رجل يعـــــــومه **** انشد (خلـــف وانشد رشــيــد الــــزلامي)




تفتخـــــــــــــــــر الشعــــراء الكبــــــــــــــــــــــــــــار بفحـــــــــــول الشعـــر ويكفينا فخر انهم احد افراد


هــــــــذه القبيلـــه العريقـــــــــه


مشكووووووووووووووور اخوي على النقل الرائع ,,,,,