هنا القصيدة التي ألقيت في حفل اجتماع المساعيد للشاعر سعود المسعودي

بسم الله الرحمن الرحيم
:

انقل لكم لقصيدة التي ألقيت في حفل اجتماع المساعيد

بدعوة عامة لقبيلة المساعيد من الشيخ نايف الدهينة والشيخ سعود الدهينة حضر جمع كبير في الرياض وبعد الترحيب بهم

ألقى القصيدة الشاعر سعود المسعودي مرحبا بالضيوف معزا بجمعهم المبارك الذي نتج عنه ما يقارب المليون دعما لملتقى عتيبة الثقافي والمخيم الذي ستبدأ أعماله خلال أيام

اترك لكم القصيدة اتمنى ان تنال اعجابكم:


دعيتنا ياميرنا للمواجيب = وعاداتنا دايم نلبي الدعاوي

ما نقصر الخطوة على مارد الطيب = نارد ونأخذ للحميا نحاوي

جدانا عدوا علو المراقيب = وخيولنا تركض نهار العزاوي

خيالة الشرفا اليا جاء المطاليب = فريسها ماهي للضرب تاوي

وليا وصلنا من طرفكم مناديب = نهوي كما نجم من الجو هاوي

أنت الدهينة ياعطيب المضاريب = جريتها لأهل العطا والنخاوي

وابشر بعزك من عظام مصاليب = الحمد إله متنن على الحمل قاوي

فزعاتنا ما هيب تحتاج تجريب = دلينا للماء تكض العراوي

والطيب فينا الله منحناه توهيب = ياميرنا نزود فوق الهقاوي

نفتل وننقض مبهمات الاصاعيب = بالخط وإلا لا وصلنا الشفاوي

الطيف لا جانا يشوف التراحيب = سمن وسمين وعود مجناه جاوي

والله ما نحسب حساب المحاسيب = أمر من المولى علينا سماوي



الشاعر سعود المسعودي



اخوكم

نواف فيحان بن هذلول الحميداني
عضو اللجنة الاعلامية لملتقى عتيبة الثقافي

بيض الله وجه ربعنا المساعيد والنفعة وعتيبه كافة
صـــــح السان الشاعر سعود المسعودي



نواف بيك

يعطيك الف عافيه على ذا النقل الموفق

بيض الله وجـه القايل والناقل .

صح لسانك ياسعود
لاهنت على الموضوع

أنت الدهينة ياعطيب المضاريـب جريتها لأهـل العطـا والنخـاوي
وابشر بعزك من عظام مصاليـب الحمد لله متن على الحمـل قـاوي
فزعاتنا ما هي تحتـاج تجريـب دلينـا للمـاء تكـض الـعـراوي
والطيب فينا الله منحنـاه توهيـب يميرنـا نـزود فـوق الهقـاوي
نفتل وننقض مبهمات الاصاعيـب بالخط وإلا لا وصلنـا الشغـاوي

صح لسانك ياشاعرنا
وبيض الله وجه ناشرها

صح لسان الشاعر


وبيض الله وجهك يانواف بيك

شكرا للجميع وآسف للتأخير بالرد

يعطيكم العافية جميع


نواف فيحان بن هذلول
عضو اللجنة الاعلامية

صح لسان سعود المسعودي

ويستاهلون الدهينات ويستاهلون ربعنا المدح بدون قصور فالجميع

مشكور يا نواف بيك على نقل القصيده

تحياتي

بيض الله وجه ربعنا المساعيد والنفعة وعتيبه كافة..

صح لسان قايلها ولاشلت يمين ناقلها ..

مشكور على القصيده وصح لسان قايلها وعزالله انه صدق في حق من يستاهلون الثناء والمدح اهل قول وفعل

الضيف لا جانا يشوف التراحيـب
سمن وسمين وعود مجناه جـاوي


بيض الله وجه الشاعر ................ وتسلم يانواف على النقل ،،،