.. اَلْشَــاذليّــــة ..

اَلْسَلام عَليْكم

/

اِدْعو مَعاي إنّه يَرضَى وَتعود اَلْمِيَاه إلَى مَجاريْهَا :)



اَلْشَـــاذليــّـه


توصّيني يالغـالي وأنا العـام أوصّيـك
...... وأنـا اللي هـويتك دون هـذي وذيّـه

تراني على ضنّك ولا اخلف هقاويك
...... لو اتـقول هـات الروح جـاتـك هـديّـه

قـويّـه عـزومـي وانــت ربّي يقـوّيــك
...... وتـبـقـى عـلاقــات الـمـحـبّـه قـويّـه

على قدر ماتنـطيني يـازين آبنـطيك
...... وآبـوفي لـكم مـادامـت الـروح حـيّه

لأنّـي أحـبـك يـابـعد قــلـب مغـليـك
...... ولاشوف مثـلـك وسط نجـد الـعذيّـه

يـوم إن المطيّه نـوّخت في مراعيـك
...... الآ لـيـتـهـم شـدّو خــطـام الـمـطيّه

دروبـي ليـا غابت طيوفـك مشاويـك
...... وتبقى صحـاصيح الحشى جرهديّه

واليـا بـانت الغرّه وعـيـنـي تـراعـيـك
...... ابـهّـر فـنـاجـيـل الـشـعـر شـاذلـيّـه

يـبين الـغلا فـيني لـيــا حـلّ طـاريـك
...... ومـن حـولي يـكشفني لـيـا لـدّ فيّـه

اقـلّـب رسايـل واردي ميّت(ن) فيـك
...... مـاغير أنـقل الـجـوال صبـح وعـشيّـه

ذبـحـني تـغنّـجـك وبــهــاك وتـغلّـيـك
...... وأنـا مــالـي الـحـيـلـه ولا مــاقـدريّــه

صحيح إنك حبيّب وأنا مـغـرم(ن) بيـك
...... غــرام الـمـلـوّح فـي هـوى الـعـامـريّه

ولـكـن تـرفّـقبـي عـسـى الله يخليـك
...... ولا تـتـركـن مـجـثـي وروحـي شـقـيّـه

تـرى بدنيتي مااغليت أنا كثر ما أغليك
...... أنـا آغـلـيـك حـتّى قـبـل تـلبس عـبيّـه

من الناس والعربان ماحد(ن) يساويـك
...... وزيـــلانــهــم مـــاصــار لــه قـابــلــيّــه

حـرام الـقـصـايـد دون وصـفـك رواكـيـك
...... حــلات الــقــصـايـد فـيـك والسـامـريّـه

تعال اِسمع آخر ما انكتب في معـاليـك
...... بــيــوت الـعـتيبـي فـيــك يـاحـي حـيّـه

WIDTH=1 HEIGHT=1
لِلحفظ .. إضغَط هُنَااا (http://www.naif9122.com/zip/shathlih.zip)


دُمْتم بِود

الله الله يالعتيبي .,,
صح لسانك يامبدع .. ساحر الشعر ..
لاعجب ..كل الابداع ..

لاهنت على الموضضوع

دام العطاء

وتقبل مروري

قصيده من اروع ما سمعت

بارك الله بك , شكراً أخي الكريم

مَاعليْك زُود يَالسميري
كَمْ تَشرَفت بِمُرورَك يَالغَالي
دُمْت بود

مُرورَك شَرف يَالأميْرَاء
/
صَحْت أبْدانكم وَتقبلوا شُكري وَتقديري
دُمْتم بود

نايف لا ادري ماذا اقول
اعجز عن الوصف امام هذا الابداع
صح لسانك يابن العم ولاهنت