معجب العتيبي
نايف بن ملحق الثعلي15-Nov-2008, 10:37 PM
سلام يامعجب وانا في خاطري بعض العلوم=ليت السوالف ماتغرك يالعتيبي ليتها
جعلك بخير وعافيه يالله عسي حضك يقوم=والعنكبوته من قديم الوقت نعرف بيتها
عبدالمجيد الثعلي15-Nov-2008, 10:47 PM
الله الله
يانايف
على هالمبدأ ههههههههه
صح لسانك
مبدع مبدع وننتظر معجب العتيبي ليكتمل الابداع وصح لسانه مقدماً
عبد العزيز العضيــاني15-Nov-2008, 10:52 PM
ابن ملحق
مساء الخير
ياخوي انت الليله
ماخليت احدٍ في حاله
الله يستر؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
صح لسانك
نايف بن ملحق الثعلي15-Nov-2008, 11:08 PM
ذب المساري لاهنت علي المرور
نايف بن ملحق الثعلي15-Nov-2008, 11:09 PM
بحر جده ارحب يالغالي
مرورك يشرف
معجب العتيبي15-Nov-2008, 11:14 PM
يامرحبا ترحيبةٍ حسب العوايد والسلوم=فالحله اللي بالكرم والطيب عالي صيتها
من فضل ربي في نعيم وخير ياجعله يدوم=وبيوتنا بالعز مبنيه ولا خليتها
عبدالمجيد الثعلي15-Nov-2008, 11:23 PM
صح لسانك يامعجب
رد وافي وأبدعت
واصلوا واصلوا وحنا متابعين
نايف بن ملحق الثعلي15-Nov-2008, 11:26 PM
ياليت بعض الناس يامعجب تريح ومخدوم=عنيت نفسك ليت يارجال ماعنيتها
ياطير ياالي لك ثلاث سنين في جوك تحوم=ياليت ياطير السعد دنيا التعب خليتها
معجب العتيبي15-Nov-2008, 11:41 PM
الناس يانايف من الايام معطى ومحروم=ياللي تخم السالفه من طولها واخطيتها
الطير ماله غير جوّه وانت خلّك فالحلوم=اشقيت نفسك الحلوم الضايعات اشقيتها
معجب العتيبي15-Nov-2008, 11:43 PM
بحر جده
وذيب المساري
نورتوا الصفحات
شكرا لكم
نايف بن ملحق الثعلي15-Nov-2008, 11:52 PM
ياصبر قلبك كم يشيل من المشاكل والهموم=مار المواقيف الصعيبه خابرك ماجيتها
انته تطالع للقمر ولا تطالع للنجوم =ماكان عينك ىالعتيبي للسماء لديتها
معجب العتيبي16-Nov-2008, 12:49 PM
ياما وقفنا فالمواقف للدفاع وللهجوم = وانته تجمّع في حطب نارك ولاشبيتها
مااطالع الا فالرجال اللي يسدون اللزوم = اللي يطيح اسمك من اسماها ليا سميتها
نايف بن ملحق الثعلي16-Nov-2008, 01:28 PM
أنا أحسبنك فارس الفرسان وحصانك عزوم=ياصاحبي تبا تكحلها لكن أعميتها
إسمي يشرفني وأنا ماهمني هرج الرخوم=وأنته جروحك من غبون الوقت ما داويتها
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
