( عند اتفاق القلب والعقل بالراي )

السلام عليكم ورحمة الله وبركاته

صبحكم \ مساكم الله بالخير جميعا

يشرفني ان اتواجد في هذا الصرح الشامخ

وهاذي اول مشاركه لي في قسم الشعر الشعبي

قصيده من الأرشيف اتمنى لها المرور





عند اتفاق القلب والعقل بالراي=تغيْرت نتايج اللي حسبته
ما كنت لا راهي ولا جيت بقصاي=بس الوكاد اللي طرالي كتبته
موقف حصل في حق مثلي وشرواي=لو ما يخالف حضرتي ما نسبته
على الضعيف امنقل الهرج بقفاي=ما كني الا من حقوقه سلبته
لا شك مبدا حضرته غير مبداي=وانا على مبداي لو ما قربته
لن الضعوف تعيش وتموت حفاي=وأحوالهم عند الرجاجيل كبته
ولو الزمن هذا مشى غير ممشاي=ألقى مثل شرواي رجلٍ كسبته
عليك يا من حطه الوقت يمناي=مديت لي فنجال عز وشربته
ياالصاحب اللي لا قسى الوقت وياي=يفز بالماقف لو ان ما طلبته
دايم احط امعزته داخل احشاي =و لو شانت ضروف الزمن ما نكبته
ولا انت يا من تفرح ابشوفت اعداي=شرواك من دفتر حياتي شطبته
لا شك ما تاقف عليك انت دنياي=ولااهي غريبه كان مثلك جلبته
ويا الله تغفر لي وتدمح خطاياي= في كل ذنبٍ بالحياه ارتكبته

وعليكم السلام اخوي صلاح


ياالصاحب اللي لا قسى الوقت وياي

يفـز بالماقـف لـو ان مـا طلبتـه

دايم احط امعزتـه داخـل احشـاي

و لو شانت ضروف الزمن ما نكبته

ولا انت يا من تفرح ابشوفت اعداي

شرواك من دفتـر حياتـي شطبتـه

لا شك ما تاقف عليك انـت دنيـاي

ولااهي غريبه كـان مثلـك جلبتـه

ويا الله تغفر لي وتدمـح خطايـاي

فـي كـل ذنـبٍ بالحيـاه ارتكبتـه



قصيده جدا جميله ويشرفني ان اكون اول المشاركين في الرد


ويعطيك العافيه

تقبل مروري

الله الله

صح لسانه

ولاهنت

صح السان الشاعر لاهنت