الطارف سداد
ابن سهاج13-Sep-2005, 06:54 AM
صبحكم الله بالخير جميعا..... والعذر عن الانقطاع ويشرفني العوده من جديد
اقرب شاعر يسد..... هاكم هالبيتين قبل لاسرح للدوام هههه ولي عوده ان شاء الله........
سلام الله على اللي يدرسون الشعر فن وذوق=سلام امعطر ٍ بالورد من قلب العضياني
ليا مني نزلت السوق سوق الغاليه مرموق=عصى موسى معي لكن ابا خاتم سليماني
فيصل المسعودي13-Sep-2005, 07:05 AM
هلابك ابن سهاج
صح لسانك وفي انتظار الشاعر القادم
لكي نرا محاوره ممتعه بأذن الله
تحياتي
محمد العتيبي13-Sep-2005, 03:16 PM
الله يكفينا شرك
ههههههههههههههههههههههههههه
مرحبا ومسهلا يابن سهاج العضياني .... وصباحك ومسائك كله مسك وورود ...
وبانتظار شاعر قادم يحل القضيه .
ماجد الهذلي13-Sep-2005, 09:39 PM
خلووووهاا
هلا يا مرحبا ترحيب بــــّــنـــه ما يجي محروق = بعد ما جيت يا ابن سهاج للفرسان ميداني
توقع لا نزلت السوق وأعرف من يحكم السوق = وأخذ مكسبك في جيبك وخل الجيب ملياني
ابن سهاج13-Sep-2005, 10:11 PM
فيصل المسعودي
ابو مشعاب
حياكم الله جميع والصفوف عامره
وجودكم نوماس
ابن سهاج13-Sep-2005, 10:12 PM
ياسلام ياماجد انتظرني دقايق لاعدمتك
ماجد الهذلي13-Sep-2005, 10:19 PM
فيصل المسعودي
أبو مشعاب
منورين المحاوره بوجودك ومتابعتكم بيض الله وجيهكم
خذ وقتك يا ابن سهاج
تحياااااااااتي
ابن سهاج13-Sep-2005, 10:41 PM
طيب طيب ياماجد
يدوم الك البقا ياللي ترحب وسط برقا وروق=صحيب النا سفير اهذيل واعده من إخواني
بعد مامات (ابن مستور) انا عندي خبر ماثوق=هذيل الله يوفقها ويرجح كل ميزاني
ماجد الهذلي13-Sep-2005, 11:10 PM
أرحب في محل أهل الكرم وأقول لك ملحوق = على صحبة رجال هذيل والأصحاب عتباني
بعد ما توا ثلاثه من رجال العرف وأهل طروق = أبا أمد إلك مكيال ٍ يوّفي كل نقصاني
مرزوق حمدان العتيبي13-Sep-2005, 11:21 PM
...
..
مرحبا يابن سهاج تراحيب المطر..
بدعه تنبئ عن شاعر متمكن فخورين بتواجده بينا...
انت مبدع وماجد كذلك...
واصلوا والله يقويكم...
ابن سهاج13-Sep-2005, 11:44 PM
تحنّ الناقه اليا مات حاشيها مع أهل النوق=وانا ماني بطامع في لبنها وانت شفقاني
على ام شداد ابحط الشداد ومن عصايه سوق=ولانتب لارديف ولاسلم منك العريباني
ابن سهاج13-Sep-2005, 11:47 PM
الله يبقيك يامدير الجميع ولاهنت على الكلام الطيب
ومتابعتك تشرفنا يالغالي
والله يجملنا انا والهذلي معكم
فيصل المسعودي14-Sep-2005, 12:29 AM
يسلام يسلام
اكتمل الابداع
بحضووووور الهذيلي
ووااااااااااااصلوووواااااااا
متااااااااااااااابعين
تحياتي
الأمــير14-Sep-2005, 12:40 AM
صح لسانك
ولك تحياتــــــــــــــــــــــــــــــــي 0000000000000000000000000
سلوبودان14-Sep-2005, 02:17 AM
تحنّ الناقه اليا مات حاشيها مع أهل النوق=وانا ماني بطامع في لبنها وانت شفقاني
على ام شداد ابحط الشداد ومن عصايه سوق=ولانتب لارديف ولاسلم منك العريباني
ياسلااااام عليكم ياسهاج ويا ماجد وعلى القوة
وانا في صف ولد عمي سهاج ولاهنت ياماجد
ماجد الهذلي14-Sep-2005, 02:40 AM
أشوف عقالها معقول وأنت تقول لي مطلوق = تولم لو تشب النار جاء للعود دخاني
تبا صيد الحبارى تلحقه ما تلحقه ملحوق = ولو أرمي على الصيده على حبه ونيشاني
ابن سهاج14-Sep-2005, 03:46 AM
حياك ياماجد .. ابطيت علي وقلت يمكن انشغل
هاك هاك وتصبح على خير وراي دوام ولي عوده ان شاء الله
عقلها واحد ٍ جاهل عن احقوق العرب مطفوق=عسى باق الزمن يصفي معَ ذربين الايماني
على طول الدهر مزن الحيا فوقك يلوح بروق=ولا حق الحيا في ادياركم خوخه ورماني
ابن سهاج14-Sep-2005, 03:49 AM
فيصل المسعودي اهلا بعودتك من جديد لاهنت
ذيب الحنابج مربحا وصح بدنك يالغالي
مرحبا ياسلوبودان وابن عمك وصفه يتشرف
الايداء114-Sep-2005, 09:38 AM
.
.
.
.
صحت السنتكم يالشعار ..
شعر + معنى = أبدااااااااع
واصلوووووووو يالمبدعين
ابن سهاج14-Sep-2005, 11:35 PM
الايداء صح بدنك ومشكور على المتابعه
ابن سهاج14-Sep-2005, 11:37 PM
ماجد الهذلي مساء الخير
القاف اخذ حقه وتراها عندك ولاتبطي
مشاري الروقي15-Sep-2005, 12:02 AM
صحت لسانك يابن سهاج وماجد الهذلي
ماجد الهذلي15-Sep-2005, 02:25 AM
الليل الليل
يا ابن سهاج علااامك معجل أنا أخرج بعض الأحيان من النت وانت
تنزل فالردود !!!
تبا ننهيه الليله ما فيش اي ماااانع والقاف ترى ماهو مباااشر !!
قصير الساق لو سابق ترى يا صاحبي مسبوق = ولا يصفي زمانك .. غير كان العقل تلفاني
تخيل البرق وسيوله تجي بعد الحيا بعذوق = ولا يقرب طريق السيل غير إنسان عمياني
ابن سهاج15-Sep-2005, 04:46 AM
مرحبا يالهذلي وتراي مانتبهت للرساله الا عقب مالقفت
وصل العطياني .........
بغيت اكحل عيونك يالهذيلي والكحل بيلوق=ولكن كحّلتك ام اليتامى كحل الاعياني
تبا تحتل دار ٍ دونها حمل الجمل مسيوق=ولكن لا حداك الوقت حدّر صوب نجراني
ماجد الهذلي15-Sep-2005, 04:05 PM
ياكم من غافل ٍ عيا يفوق ولا هقيت يفوق = يبا يشتال حمل وياخذه ويدور الثاني
يجيك من الهوا صفقه وتصبح شاعر ٍ مصفوق = ولا تسلم من الأسباب جاك فلان وفلاني
ابن سهاج15-Sep-2005, 11:24 PM
الاخ الشاعر ماجد الهذلي صح لسانك ولاهنت
ويعلم الله انك شرفتني شعرا وخلقا
وان شاء الله بيكون بيننا اكثر من لقاء
واشكر جميع من شارك وشرف المحاوره بدون استثناء والله يقويكم
ماجد الهذلي16-Sep-2005, 01:26 PM
أبن سهاج أكرر الإعتذار
لأني كنت مشغول أثناء المحاوره بأمور تمنعني من التواجد الدائم
ولاكن الأيام بيننا في محاورة تساعدها الظروف !!
تقبل فائق تقديري وإحترامي
