رديه بين زلامي وعازمي عتيبي

هذه ردية بين فتيل الزلامي العالي وكان شيخ ذوي عالي في ذلك الوقت ويلوم صديقه عمار بن عوادة العازمي العتيبي شيخ العوازم في ذلك الوقت كذلك والذي تمنى مشاركته معه في غزوه على قبيلة سليم:-
قصيدة فتيل الزلامي:-
ياراكب اربع حيل تمشي جهاجيل = مصلحات مثل صيد العفارا
تعطي لها مدهال والدرب مجدال = مر القليب وشلقوا فالبدارا
تلقى مرب الجود والعد مارود = وعمار رداد الحروف الخيارا
وقله براحه راقد في مراحه = وحدنا من المسرا حافين سدارا
ورى بريم تويم ويخيل سليم = لين جو منبذين تال النهارا
ليته معي فالكون اشهب اللون = من صبح يومن اشهب اللون ثارا
يضرب براسه لين يعرف قياسه = يوم الملاقى واعتقاب السكارا

قصيدة عمار بن عوادة العازمي العتيبي:-
عديت فالمرقاب مع نور الاشباب = بمسلبٍ ما اخونها فالعيارا
مكايدٍ للقوم في طارة النوم = وانشب مابين الاعادي شعارا
واطري كلامي جابةٍ للزلامي = منقده مثل العسل فالوكارا
ياشيخنا شعشاع ياطيب الناع = لومك عاللي مايحمل الخسارا
حطيت فالقاف شاكن لك خلاف = وابا المفاقد منك عند الكبارا
لثت شوية ما تخجل عليه = حصيلها مثل الخوض فالزرارا
ماشفتني فالريع يوم البواليع = صكوا علي مسعفات الخمارا
ارمي على الذرعان رمين بضمان = رمي اللحم ماهوب رمي السمارا
ولاشفتنا في مجر يوم ان هل حجر= جتنا بوارقهم صفيف تبارا
واشبع نهار قصار من ذيب وجعار = كلت وخلت في صحنها سوارا
وحنا هل الطالات يوم المهمات = لو الزلمة يروح راسه طيارا
يجري لنا دايم امورٍ عظايم = لحالنا ماجات فيها الخشارا
واهون جواري مير لجل الطواري = والا وراها جايحاتن كبارا

ابن كشب



بارك الله فيك وفي جهود


ماقصرت وبيض الله وجهك

هذا درر القصيد



سلمت


ابن نميان

يعطيك العافيه يابن كشب

تسلم
يا بن كشب

وبيض الله وجهك على النقل

مشكوور وما قصرت يابن كشب..

مشكور يالغالي..

لاهنت..

ياليت تعطونا معلومع عن العازمي