بدهان الشمري

القصاص

قبل غروب الشمس في طويق عديت .. والليل قرب يطوي آنا شراعة
وخيلت دار حدها ضلع قرنيت .. وأذكر زمن ولى كثير متاعة
ولديت يم الشام ثم زدت لديت .. وذكرت راس صدروا بنقطاعة
ورفعت كفي وتوجهت للبيت .. اللي يحجة من قدر واستطاعة
ودعيت ربا يرحم الحي والميت .. وحده حماهم بعد سلب ومجاعة
يهدي لنا قبلان أبن ذيع الصيت .. من نسل قوم اهل الكرم والشجاعة
يعفو عن اللي في تنفسه تنهيت .. والموت عن دنياه يفطم رضاعة
الموت حطوا له مع السيف توقيت .. وبدها ن يسأل صفحكم والشفاعة
يابن عتيق أنا في مثلك تهقويت .. وأيضا تهقووا فيك كل الجماعة
اصفح تري الدنيا جموع وتشتيت .. ومن يصنع الجزله بتكرم ذراعة
لو أني اعرف داركم كان مريت .. لكن جاتك عبر اثير الإذاعة
دنيا دنية والخطأ عود كبريت ... ولحد عن دروب الخطأ له مناعة
والله يعطيك العفو كأنك أعطيت .. في يوم ترفع فيه كف الضراعة
ويالله ياللي فأخضر العود شقيت .. زهر يبث الطيب في كل ساعة
تفرج عن اللي قال ياليت ياليت .. وتهدى قلوب أهل الكرم والشجاعة

الشاعر : فارس الثبيتي