وهذي تحية لكم ياهيلا عتيبة

عطني دوا يالرفيق المداوي******************علني حالي من زود البلاوي
مانب من مكثرين الشكاوي******************شكواي للي عالم الغيب كله

رب(ن) يجازي كل نفس بجزاها*****************جنة الفردوس سعد منهو خذاها
والنار عصا للي يدوم يعصاها*****************وشكواي للي عالم الغيب كله

اشكي زمان صعب علي حله*******************زود على العلات زادني عله
وقت غريب مايرسي على مله*****************وشكواي للي عالم الغيب كله


دق النجر يافهيد بالله دقه*********************قند دلال الكيف وزيدها دقة
كني غريب الدار مغبون حقه******************وشكواي للي عالم الغيب كله

والهرج يحلىفي طاري العذارى****************انا اشهد ان عقلي طار مني يسارا
من ناعسات الطرف قلبي شب نارا***************وشكواي للي عالم الغيب كله

بنات عشر سنين وفوقها خمس*************** صابني عقبهن خفة مع مس
امشي مع العربان خالي من الحس************ وشكواي للي عالم الغيب كله

وهذي تحية لكم ياهيلا عتيبة*****************ياهل الطولات ياهل الهيبة
من واحد طال بالغربه مغيبة****************** وشكواي للي عالم الغيب كله

مشكور ياخوي موادع خمس جروح , على هذة الابيات الرنانه والرائعة.

مشكور أخوي جزاك الله خير :)

اخوي الغالي ابن مشيب اشكرك على مرورك وتسجيل رأيك الذي اعتبره حافز كبير لتقديم المزيد....... ولك تحياتي

واشكر الاخ العزيز / التوت والنبوت وجزاه الله الف خير وللجميع تحياتي