ياهل المنتدى من يرتكي للصعيب ... أقرررب شاعر ..

اقررب شاعررررررر


ياهل المنتدى من يرتكي للصعيب ؟؟ = من يظنه لها قدامه الملعبه
لايجيني شويعر حادر اله شعيب = الضعيّف ضعيّف مانبى نشعبه

..

صح لسانك يالشبح ..

وننتظر قبيلك :)

.

تفضل يالحبيب ولعلنا نتجمل معك


يالشبح ماطلبت الا البعيد القريب = جالك اللي ضديده باللقاء يرعبه
شفت برق الخيال ولاحصل به نصيب = جاب لحن الجفاف اللي قعد يلعبه

الهماااام يالشبح الله لايهينك ماحنا براعين طويله .

وجود فقط مجمل ..

ماتضيع الحقووق ومن وراها طليب = وانت ماشفت لك شي عشان أطلبه
دام شفته ترى يقفاه ريحٍ مهيب = يالله انك على الاجواد لاتجذبه

أبو نجر .. حياك الله ..
وصح بدنك يالغالي ..

خوي السعد .. مدري عن النت بطي معي جدا ,,

دام مزنه علانا ماتصبب صبيب = يالله انك عن اعيون العرب تذهبه
انت ياللي تطمش معي خلك اديب = جبت لك حنظله ماعاد فيه اعنبه

يالله انه حوالينا براس الهضيب = الشعف ياطويل العمر لا تدع به
لاتحسب الغضاره طافحه بالحليب = جبت لك سم وانته لازمٍ تشربه

طالع 10 دقايق وراجع ..
رد وانا جاي ياطويل العمر ..

دام صاحبك مثلي يالفطين اللبيب = سالمه واسترح من تحت في شنبه
مانذمك ولكن فيك عشرين عيب = فاقد(ن) شي بالله كيف ننفعك به

10 دقايق ماهيب شي انتظرك يالغالي .

بيض الله وجهك .. وانشغلت يالغالي السمووحه




ياخوي السعد هرجك مخيفٌ مريب = أعرف اللي تقوله قبل لا تكتبه
أبو عشرين في عارضه 200 شيب = من صدووف الليالي ( كيف ماتقلبه ) !!

يالشبح في فنون الشعر طبعك غريب = هب يابو الحصين اللي يلف اذنبه
انتبه للسباع اللي تقانب قنيب = اغلق الباب واقعد داخل المركبه

ودي احط بعض الشعر فوقه صليب = وانت مثل الحبيب اللي يشيل أكتبه
وش يسوا السخل لازاد صوته طريب = لاش قرنٍ نطوح قدم من يطلبه !!

حياك يابو نجر ..
وصح بدنك .. يالغالي ..

صح الله السنت شعاارنا ولاهنتم