سبب لخبطة شركة الاتصالات السعودية ( لاتضيع دراهمكم )

بسم الله الرحمن الرحيم

احبابي اعضاء وزاور شبكة عتيبه المحترمين الموقرين .. حرصا عليكم وعلى دراهمكم وفواتيركم ومصلحتكم حبينا نحطكم بالصورة دائما وابدا كما تعودتوا منا

ما تلاحظ الفواتير ما صارت ترسلك .. ؟
ما تلاحظ ان حدك الائتماني 500 وفاتورتك صارت 800 .. ؟
ما تلاحظ فيه خدمات توقفت من كم يوم ولا حس ولا خبر .. ؟
ما تلاحظ عندك مشكله بالفاتوره قالوا لك تحديث وراح نشوف الموضوع .. ؟

بكل اختصار شركة الاتصالات ركبت نظام جديد وحاس الدنيا وما فيها .. وللاسف الشديد ان الموضوع هذا لازم يوقع عليه الدويش بكبره وللاسف ما وقع عليه الا شخص واحد واعتمده وحاسوا الدنيا .. وراح تكون فيه اجرائات قويه بخصوص هالموضوع بداخل الشركة
مسألة ان قرار تغيير نظام كامل تتم الموافقه عليه والتوقيع من شخص واحد بدون الرجوع لموافقة الاداره العليا هذي بحد ذاتها مصيبه كبيره واكيد انه راح يطير من منصبه هذا اذا ما تم فصله الان .. وهالشي سبب لخطبة بفواتير العالم بشكل كبير للاغلب

يا ليت من الجميع تتأكدون من فواتيركم وتعرفون اتصالاتكم اول باول وتشيكون على اتصالاتكم وتنشبون لهم ولا يروح عليكم ريال واحـد .. وخاصا ان كثيير مننا يسدد الفاتورة وبس ولا يدري وشو الي صاير ودراهمه تروح عليه للاسف

هذي صورة من بعض الضحايا من الشعب السعودي


ضحية : ( فهد العتيبي )
http://www.kharjhome.com/news-action-show-id-4411.htm

توضيح من موظف بالاتصالات ويا ليت تقرون كل الردود وخاصا الصفحة الثانية :
http://www.etsalati.com/vb/showthread.php?p=103953


الزبــدة يا عيالنا .. لا يروح عليكم قرش واحد ولا تسددون فواتيركم الا وانتوا متأكديـن منها ميه بالميه وطالبوا بفواتيركم الي ما راح تنرسل لكم وحسبي الله عليهم ان كانهم اخذوا ريال واحــد موب لهم

التفاصيل هذي من مصادر موثوقة وقوية في شركة الاتصالات

انا
لم الاحظ شئ
ولكن دوما اتوقع الاسوء


دمت بخير