ياعين إهجعي ماعاد أطيق السهر ياعين ( قصيده للتواصل )

ياعين إهجعي ماعاد أطيق السهر ياعين
بقى ساعتين ويطلع الصبح ياعيني
علامك وش اللي صايبك ليه ماتمسين
مدام إن كل الناس ياعين ممسيني
وإذا تشتكين البعد ومفارق الغالين
ترى قد فقدنا قبلهم ناس غاليني
تذكرت يوم ألقاه أنا بآخر الألفين
وهالحين تسع أعوام من فوق الألفيني
ومن يوم فارقني إلي اليوم له شهرين
وهذا التعب كله وهي بس شهريني
أجل ويش بتسوين لو غاب عنك سنين
ولا ظنتي تنسين لو مرت سنيني
مدامه نساك وراح وشفيك ماتنسين
لزوم عليك اليوم ياعين تنسيني
تناسيه وأنسي عشرته والله اللي يعين
عسى الله على فراقه يعاونك ويعيني
ويارجل أنا ناهيك عن كل درب شين
علامك ترديني على دربك الشيني
على درب بيته ليه دايم تبي تمشين
وش الفايده دامه رحل ليه تمشيني
وياقلب لاتضعف وتطرد ورى المقفين
ترى عيب عند الناس طرد المقفيني
خذ التجربه من واحد عاش مع جيلين
وتعلم من أخطاءه على مر جيليني
بها الوقت لو توفي وتكتب من الوافين
وتحسب ضمن ناس على الحب وافيني
مثل عنتره وأبن الملوح من الماضين
على دربهم بعض المحبين ماضيني
بالأخير ترجع نادم تضرب الكفين
ولا لك جدا ياكود تصفق بكفيني
عسى الله يفرجها وقشر الحظوظ تزين
وأنا بطلب الله ياعسى ظروفي تزيني
وعندي نصيحه ودي أنصح بها الغادين
لعل وعساي أنفع بها ناس غاديني
ترى من تورط بالهوى قيل له مسكين
ولو شفت كثرتهم تراهم مساكيني
حلاة الرجل يحشم جنابه عن الواطين
ويبعد عن دروب بها ناس واطيني
ويبعد عن أصحاب الرذيلات والواشين
ترى مابهم خير وللهرج واشيني
عرفت الهوى من عام الأول وإلى هالحين
ولاشفت منه فود لاحد هالحيني
طريق خطر يشبه لداب وله قرنين
لأن أخطر الديبان من فيه قرنيني
طريق بداياته بها كل شي زين
ومن فرحتك ماتعرف الشين والزيني
ونهايته مره مع عذاب وهموم ودين
لزوم تدان إن كنت في غيرك تديني
وبآخر كلامي ياعيون الشقا تكفين
ترى ماحصلي منك ياعين يكفيني
وصلو على محمد نبي نزل بالدين
وعلم جميع الناس بالخير والديني

يعطيك العافيه

يعطيك العافيه

قصيده رائعه من شاعر كبير

شكرآ اخوي خالد قصيده جميله وتشكر عليه وصح لسان قايلها
وياقلب لاتضعف وتطرد ورى المقفين
ترى عيب عند الناس طرد المقفيني

ياعين إهجعي ماعاد أطيق السهر ياعين =بقى ساعتين ويطلع الصبح ياعيني
علامك وش اللي صايبك ليه ماتمسين=مدام إن كل الناس ياعين ممسيني
وإذا تشتكين البعد ومفارق الغالين=ترى قد فقدنا قبلهم ناس غاليني
تذكرت يوم ألقاه أنا بآخر الألفين=وهالحين تسع أعوام من فوق الألفيني
ومن يوم فارقني إلي اليوم له شهرين=وهذا التعب كله وهي بس شهريني
أجل ويش بتسوين لو غاب عنك سنين=ولا ظنتي تنسين لو مرت سنيني
مدامه نساك وراح وشفيك ماتنسين=لزوم عليك اليوم ياعين تنسيني
تناسيه وأنسي عشرته والله اللي يعين=عسى الله على فراقه يعاونك ويعيني
ويارجل أنا ناهيك عن كل درب شين=علامك ترديني على دربك الشيني
على درب بيته ليه دايم تبي تمشين=وش الفايده دامه رحل ليه تمشيني
وياقلب لاتضعف وتطرد ورى المقفين=ترى عيب عند الناس طرد المقفيني
خذ التجربه من واحد عاش مع جيلين=وتعلم من أخطاءه على مر جيليني
بها الوقت لو توفي وتكتب من الوافين=وتحسب ضمن ناس على الحب وافيني
مثل عنتره وأبن الملوح من الماضين=على دربهم بعض المحبين ماضيني
بالأخير ترجع نادم تضرب الكفين=ولا لك جدا ياكود تصفق بكفيني
عسى الله يفرجها وقشر الحظوظ تزين=وأنا بطلب الله ياعسى ظروفي تزيني
وعندي نصيحه ودي أنصح بها الغادين=لعل وعساي أنفع بها ناس غاديني
ترى من تورط بالهوى قيل له مسكين=ولو شفت كثرتهم تراهم مساكيني
حلاة الرجل يحشم جنابه عن الواطين=ويبعد عن دروب بها ناس واطيني
ويبعد عن أصحاب الرذيلات والواشين=ترى مابهم خير وللهرج واشيني
عرفت الهوى من عام الأول وإلى هالحين=ولاشفت منه فود لاحد هالحيني
طريق خطر يشبه لداب وله قرنين=لأن أخطر الديبان من فيه قرنيني
طريق بداياته بها كل شي زين=ومن فرحتك ماتعرف الشين والزيني
ونهايته مره مع عذاب وهموم ودين=لزوم تدان إن كنت في غيرك تديني
وبآخر كلامي ياعيون الشقا تكفين=ترى ماحصلي منك ياعين يكفيني
وصلو على محمد نبي نزل بالدين=وعلم جميع الناس بالخير والديني





صح لسانك قصيدة جميله وفيها من المواعظ والنصح الشي الكثيروالتجربه اكبر برهان=