11-Nov-2009, 09:32 PM
قصيده موجهه لكل من يستمع لكلام أهل النميمه الذين يفرقون بين الأحبه و زيد في القصيده ليس اسم لشخص معين بل هو زيد من الناس
مهما نحاول زيد رجل عيوفي=يزعل علينا كلما جاه نمام
مهما نسوق أعذار ولا حلوفي=ما يقبل المعذار ويصدق النام
رجل عطاه الله سمع ويشوفي=وراه ياقع في دهاميل الألغام
يسمع كلام مسببين الكلوفي=يبنون في راسه مشاريع واوهام
حتى لو أسقيه العسل في كفوفي=يرجع علي ويتهمني بالاجرام
هذا وانا حاسيه يرفا ظروفي=رفعت له رايات تقدير واعلام
وغلاه عندي في معاليق جوفي=ما أقبل عليه خلاف حتى فالاحلام
كنت أعتبره أمان في كل خوفي=شديت به ظهري وحطيته حزام
وراه يسمع كل من جاب زوفي=اللي يولع للفتن بين الارحام
ما تصدق أقواله ولا هو بيوفي=ولا هو بحاسب في حلال وحرام
لكن ويش أقول ضاعت حروفي=باوصاف مثله يا عرب جفت أقلام
ومهما نبين فيه زايد وصوفي=كم طاوعه ناس وكم فرق أقوام
يا زيد صاحب مكرمين الضيوفي=اللي على درب الهدى دين الاسلام
اللي على خوتك دايم حسوفي=تحفظ لك التقدير عامٍ بعد عام
ناس ليا جاك الزمان النشوفي=تلقا لها وقفات ترفع لك عظام
وابعد عن اللي لن حدتك الصدوفي=يروغ كنك حاكمٍ فوقه اعدام
مهما نحاول زيد رجل عيوفي=يزعل علينا كلما جاه نمام
مهما نسوق أعذار ولا حلوفي=ما يقبل المعذار ويصدق النام
رجل عطاه الله سمع ويشوفي=وراه ياقع في دهاميل الألغام
يسمع كلام مسببين الكلوفي=يبنون في راسه مشاريع واوهام
حتى لو أسقيه العسل في كفوفي=يرجع علي ويتهمني بالاجرام
هذا وانا حاسيه يرفا ظروفي=رفعت له رايات تقدير واعلام
وغلاه عندي في معاليق جوفي=ما أقبل عليه خلاف حتى فالاحلام
كنت أعتبره أمان في كل خوفي=شديت به ظهري وحطيته حزام
وراه يسمع كل من جاب زوفي=اللي يولع للفتن بين الارحام
ما تصدق أقواله ولا هو بيوفي=ولا هو بحاسب في حلال وحرام
لكن ويش أقول ضاعت حروفي=باوصاف مثله يا عرب جفت أقلام
ومهما نبين فيه زايد وصوفي=كم طاوعه ناس وكم فرق أقوام
يا زيد صاحب مكرمين الضيوفي=اللي على درب الهدى دين الاسلام
اللي على خوتك دايم حسوفي=تحفظ لك التقدير عامٍ بعد عام
ناس ليا جاك الزمان النشوفي=تلقا لها وقفات ترفع لك عظام
وابعد عن اللي لن حدتك الصدوفي=يروغ كنك حاكمٍ فوقه اعدام
