الاد روق اهل السيوف الصقيله

هذه القصيدة جديدة من نضمي ارجو ان تحوز على رضاكم




سلام ياربعي وفيين الاشبار=الاد روق اهل السيوف الصقيله
اليا اختلط دخانها والرمك ثار=اللي يقف في وجههم عزتيله
رجالهم شامخ كما ضلع سنجار=امنين ماهب الهوى يرتكيله
مايسكن الا في حجا كل مجدار=قوي عزم ويرتكي للثقيله
وربعي كما سيفن على العضم بتار=اهل الكرم واهل الفعول الجزيله
اتَمَدّ من مداتهم عِرب الابكار=تعط الجزيل ولا تمد الهزيله
واللي يبى ياتي من البعد خطار=يلقى الشحم والهيل ماله بديله
ويوم انها من فوق قحصات الامهار=اليا نوينا شيخ قومنْ نزيله
من فعلنا تركى على كبدة النار=يالين يونس حر جمر المليله
مايهتني فالنوم والناس غتار=من فعلنا عيت عضامة تشيله
واللي يبى يدخل هل العز والكار=يزهم بصوتة ثم حنا نجيله
ويأمن باذن ربي وحنا له انصار=ويسكن ومسكانة براس الطويله
ولا علاه امن التعدي والاخطار=في ضلنا مصيون من كل عيله
واختامها صلوا على سيد الاخيار= المصطفى عداد وبل المخله

صح السانك يابن عاضي

صح السانك يابن عاضي

والله وسبعة انعام



صح الله لسانك يبن عاضي



ولآ هنت ..


وننتظر جديدك

ابن صنهوت +اسد النير
صحت ابدانكم ومشكورين

خيال الصفراء بيض الله وجهك

وصح بدنك ولاعليك زوود ياذيبان

مرورك ابهجني

مشكووووور

......................

الله الله ..

ونعم ونعم بالأد روق وعتيبه كــآفه ..

لآهنت ياعضياني صح لسانك واعتلآ شــآنك ..

,,,

ونعم والله ونعم فالهيلآ كلها


وصح اللسآنك والمعذره طلعنآها من الإرشيف لجمآلها

صح لسانك يابن ثعلي


مشاعر شاعر متمكن


نتمنى لك كل خيــــــــــر

:
:
:
:




صح لسانك ،، ويستاهلون روق اجزل المدح.

وفيت وكفيت.
:
:
:
:

اللهم صلى على محمد



صح لسانك وبيض الله وجهك

..


صح لسانك يا ابن ثعلي

ونعم في عتابه كلها روق وبرقا ،،،

صـــــــــــــــــــــــح لســــــــــــــــــــــــــــــــــانــــــــــــ ــــــــك