يا حاكـــــــــــــــــــــــــم الغنانيم حضّر للسّين جيم
مهندس القاف24-Nov-2009, 04:38 PM
ابو عيد قبل العيد اقرب لاهنت:)
ياسلام الله سلامٍ حرفه الاول معدل=حرف ميم اليا حصل زله من الربع الحشامي
الغنانيم اخر الايام عكس العام الاول=واخر الاحداث تغني ياعتيبه عن كلامي
صاهود24-Nov-2009, 04:44 PM
الله الله
يامهندس القاف
وطبعا الصف مفروغ منه صف حاكم
وصح السانك
وبنتظار ابوعيد وصح السانه مقدما
سعود العصيمي24-Nov-2009, 05:00 PM
الله الله
بدعة رااائعة يامنهدس القاااف
صح لساااانك
وصح لساااان ابوعيد مقدمآ
كبتن عتيبه24-Nov-2009, 05:01 PM
ياسـلام الله سـلامٍ حرفـه الاول مـعـدل
حرف ميم اليا حصل زله من الربع الحشامي
الله الله
بدعه كائفه
وبانتظار حاكم الغنانيم
حاكم الغنامي24-Nov-2009, 07:03 PM
هلا هلا
اعذرنا يبااش مهندس على التاخير
السلام اسلام ماهو لعبةٍ عند المهبل =انطقه مثل العرب ويجيك مردود السلامي
انت لاشفت النجوم ونورها كبر وهلل =والعرب قبلك تقول العلم جلاي الظلامي
مهندس القاف24-Nov-2009, 09:55 PM
المهلي مايولي
حسب مفهومك يجوز أخطيت لكنك تحمّل=الكريم اليا قلط يقلط على الناس الكرامي
انت تقرا لك كتابٍ غير قول الله منزّل=قايله يكتف بعد بكره للباس الحرامي
كبتن عتيبه24-Nov-2009, 10:01 PM
السلام اسلام ماهو لعبةٍ عنـد المهبـل
انطقه مثل العرب ويجيك مردود السلامي
ياسلام ياسلام
حاكم الغنامي24-Nov-2009, 10:22 PM
يغلط الجاهل ويدبل غلطته ... معطينه اشكل =اغلط اغلط والزمن هذا زمنك ولا تلامي
كان تبغانا نعدل معك فالهرج ونبدل =مطلبي سهل ونبا من حضرتك نزع اللثامي
مهندس القاف24-Nov-2009, 10:51 PM
عملة التاجر لها وجهين وافهم لاتعجل=هاتها بالاحترام ومدها بالاحترامي
لاتعدى لك سوالٍ يالعتيبي ماتقفّل=امش خطوه للورى واعطيك خطوه للامامي
مهندس القاف24-Nov-2009, 10:53 PM
صاهود&سعود&كبتن عتيبه
حضوركم ينير الصفحه لاهنتو
ابو بتال الغنامي25-Nov-2009, 08:06 PM
صح السان حاكم الغناي ـــــــــــــ وصح السان مهندس القاف
على هذه المحاورة الشيقة
