وان شفت في بعض الامور انتكاسه.......اصبر ولا بد الايام تندار

الشاعر فلاح بن مبرد المطيري


لا باس








لابـاس ياجفـنٍ تـذيّـر نعـاسـه
ماني بلـوم ليـا تذكّـرت مسيـار

بغياب أبو غازي تغيـب الوناسـه
لوجيبت الدلّه ولـو شبّـت النـار

وين الرفيق اللّي من الطيب ساسـه
متى نشوفه مكرم الضيف والجـار

حلو النبـا لـه بالمعالـي فراسـه
فـذٍّ ليـا عـدّوا بعيديـن الأنظـار

طيبه يجـدد مـن مفاهيـم راسـه
ماهاب من دون المواجيب مخسـار

سعود في عزمه وصبـره وباسـه
ياما قطع مع سكّة الطيب مشـوار

يطرب له الخاطر ويجلي عماسـه
انسى لياجيته همومـي والأفكـار

كمّ مجلسٍ ماأشفق على قرب ناسه
عن الردى لي مع هل الطيب معبار

أليا نصيت البّر أعـرف العساسـه
واليانزلت السوق قيّمـت الأسعـار

ماكلّ مـن يشـري لبـاسٍ قياسـه
الله فرق خلقـه طويليـن وقصـار

وأن شفت في بعض الأمور أنتكاسه
أصبـر ولا بـدّ أن الأيـام تنـدار










الامير

الامير
صح السانك والسان فلاح
تقبل تحياتي

حياك الله يالدلبجي







الامير

الامير

قصيده جميله

وصح لسانك ولسان الشاعر فلاح

يفرحني مرورك يالطير


ويا مرحبا





الامير

وأن شفت في بعض الأمور أنتكاسه .... أصبـر ولا بـدّ أن الأيـام تنـدار

الله الله..

اختيار رائع الامير..

انت والله الرائع

ومشكور على المرور


الامير