ذكـــرى

ذكـــرى



تومي بي الذكرى من السيف للسيف= والقلب نسناس الغرام ألتوابه

في ليلةٍ فيها تجر الغطاريف= موقف تعب ما فيه للنفس ثابه

ذكرى رسوم وهمس ود وسواليف= زالت .. ولا زالت محل الكتابه

يبقى لها في سيرة الحب تعريف= : أول غرامٍ ما يجي له مشابه.

ياغالي الذكرى... ذكرت المواليف=فأول مشاوير الغلاء والصبابه

كتمتها وأحلام عمري مراديف=أسعى وهي تسعى ورحنا نهابه

ما باقي إلا صورةٍ كنها طيف=وعطرٍ نسيم العشق للروح جابه

تأخذ لها في دوحة الروح تشريف=وتنزع عن الصمت المطول ثيابه

غيداّ طغت ما مثلها فالبشر شيف=لها على عرش الجمال الرحابه

تخلف موازين الرجال العواريـف=وراع الصواب إتضيعه من صوابه

معربة منسب لها الأوله كيف=من صلب شيخٍ كل مجدٍ رقابه

مروي عطش حدب السيوف المراهيف=راس الحسب وأًصل النسب والمهابه

محشومةٍ عندي مثل حشمة الضيف=وعلى لساني من غلاها رقابه

من دونها حالت دهور و صواديف=وكلٍ عذابه في حياته غدابه

أعدها من ضمن الأموات يا حيف=ويبقى الرجاء مع واحدٍ يرجابه

راحت ورحنا والخواطـر ملاهيف=وكلٍ يعيد الذاكره من عذابه





مرزوق بن دحيم

صح لسانك يابو دحيم

صح بدنك ياخو جوزا تشرفت بمرورك الكريم

الله على الابيات الرائعه والجزله
صح الله لسانك واعتلا شانك

اخوي عبدالله البرقاوي صح بدنك طال عمرك وربي يحفظ تشرفت بمرورك الكريم

مـعـربــة مـنـســب لــهــا الأولــــه كــيــف ** مـــن صـلــب شـيــخٍ كـــل مـجــدٍ رقــابــه

مروي عطش حدب السيوف المراهيف ** راس الحسـب وأًصـل النسـب والمهابـه

محشومةٍ عنـدي مثـل حشمـة الضيـف **وعــلــى لـسـانــي مــــن غــلاهــا رقــابـــه

أعدهـا مـن ضـمـن الأمــوات يــا حـيـف ** ويـبـقـى الــرجــاء مــــع واحــــدٍ يـرجـابــه

الله يردها لك يالذيب ,,

ولاتقطع الرجاا بالله ,,

صح لساانك يابودحيم ,,

ورقا شانك ,, ابدااع ماشاء الله ,,

لاتحرمنا جديدك ,, الله لايحرمناااك ..!!!

الدجيماء صح بدنك وتسلم
والله يعطيك العافيه تشرفت بمرورك الكريم

غيداّ طغت ما مثلها فالبشـر شيـف
لها على عـرش الجمـال الرحابـه
تخلف موازيـن الرجـال العواريـف
وراع الصواب إتضيعه مـن صوابـه
..
جزاله وابداع غير مستغرب يامرزوق
لافض فوكـــ

اخوي مرزوق بن حمدان العتيبي تسلم على مرورك الكريم وتشرفت ياغالي بوجودك

ابداع+ ثقه بالنفس
اللــــــــــــــــــــــــــــــــــــــــــــــه

كل مايكنز الذهب يزتاد تالق وقيمه اخي مرزوق اسمحلي

مريت كنوزك الشعريه والتي لاتقدر بثمن ارجو لك من الله

التوفيق وعلى قول القايل نور الشمس يبين ويكشف الظـــلام

صح لساااااااااااااااااانك

صح السانك يابو دحيم


والله يجيرنا وياك من اللي ..

تـخـلــف مــوازيــن الــرجـــال الـعــواريــف *** وراع الـصـواب إتضـيـعـه مـــن صـوابــه