ضلع المعاني

صباح الخير اعضاء منتدانا الاغلى..

ياسلامي سلام فاح طيبه يتبعه راجح القول السمين=شاعرٍ ما وقف حتى تعلم ينطح الصعب والروس العنيدة
وين من يحمل العنوان الاصلي واضحٍ لايسار ولايمين=ودي ابدي معه ضلع المعاني واطعمه من سنا النار الوقيدة

مرحبا مرحبا ترحيب وافي من هجوس ٍ لها ملـّـه ودين = تعرف الحق واتعرف المعاني وتهتوي كل جزلات ٍ فريده
جاك شاعر من الشعار يسمع فكرت الحق ومن بعده تبين = كل دعوى تبيـّن فالمحافل قبل تنشر على ذيك الجريده

مرحبا مرحبا ترحيب وافي من هجوس ٍ لها ملـّـه ودين = تعرف الحق واتعرف المعاني وتهتوي كل جزلات ٍ فريده
جاك شاعر من الشعار يسمع فكرت الحق ومن بعد تبين = كل دعوى تبيـّن فالصحيفه قبل تنشر على ذيك الجريده


ول من شاعرٍ (ن) يابن الجزيرة ماقرا الخط والمقصود زين = مار والله ما ارد اللي يبا الناموس واللي يبا العلقه نزيدة
انت قل لي من اياة العرب من حدر والا من الضلع المتين= بيّن الراس ياجعل الحياوية مع الناس مايبقى شريدة

احمد الله معانينا جزيله ونعرف الجزل وانصوغ الثمين = والخلل صار من بث المحطه يوم ترسل خطاب ٍ ماتريده
ضلعنا مثل راس طويق عالي يوم بعض العرب ضلعه يشين = رافع ٍ هامتي بين النشاما واحمد اللي جعل مني وليده

مانبا الا الثبيتي والثبيتي ما يبا في الدروب الا ثنين=ليّنين التعامل مع بَعَض في وقت قلب المعاني من حديدة
الدهر ماسكٍ(ن) منه ورقة يقرا طلا سم حروفه كل حين=والعواصف برت عود القبيلة مع (موالين) واخصامٍ عديده



وانت وليدة مثلما قلت وكفو وانا اخوك لكن المشكلة
في الاسم المستعار.. انا اسمي صريح
وانت اسمك مستعار وهذي عند اللي يعرفون
المحاورة وينقدونها فيها خلل وش يقول راعي
الاسم الصريح ؟. وش يرد؟. يرد على معروف
والا على مجهول؟. والا انت مافيك قصور يابن
الحلال بس راجع بيتي الثاني من مطلع المحاورة..
وهذا ماحال بيني وبين الاستمرار..وانت ان كان انك فطين تبي تعذرني

(( وين من يحمل العنوان الاصلي ))

غالب على العموم

بيض الله وجهك

وبعض الكلمات تفسر اكثر من تفسير

واكثر من معنا في المحاوره . . .

وتصبح على خير

.
.
.



الله يرضى عليك وعلى الواثقين امثالك.

تصبح على الف خير.
.
.
.
.

الله واكبر محاوره ولا اروع

صح السنتكم

وابن الجزيره شاعر كفووو


وغالب شاعر لايشق له غبار



والعلم فيه هذا البيت اللى وجه الاخ غالب


وين من يحمل العنوان الاصلي واضحن لايسار ولا يمين


والقصد منه الاسماء الصريحه صح السنتكم واسف على الاطاله

.
.
.



ارحب جفن الهواجر... شرفت السجال وشعّاره .
.
.
.
.
.

كفيتوا ووفيتوا


ول من شاعرٍ (ن) يابن الجزيرة ماقرا الخط والمقصود زين
مار والله ما ارد اللي يبا الناموس واللي يبا العلقـه نزيـدة


غالب الذيابي صح لسانك ومبداك قوي قوي حياك الله بيننا "

ابن الجزيره صح لسانك