مصافحه اولى

بسم الله الرحمن الرحيم

السلام عليكم ورحمة الله وبركاته

صبحكم الله بالخير

هذه قصيدة مرثية في والدي الشيخ غلاب بن خصيوي الردعي (رحمه الله)







مرحوم ياشيخ ٍ على الطيب مبداك=ياكثـر وقفاتـك ومـدة يمينـك
وقفت وقفة عز مااحد ٍ بينسـاك=انقذت ولـد العـم والله معينـك
ريف الضعيف ومزبن اللي تنصاك=تنفـق يمينـك ماملكتـه يدينـك
فيك الكرم فيك الشجاعة وتزهـاك=مقرون فعلك دايم ٍ مـع سنينـك
حكيم قول وفعل ياما اصوب ارياك=صعب المواقف ماتبيّـح كنينـك
ياشيخ تاريخك ينومس وطريـاك=يسبق نعم وسط المجالس حسينك
ياشيخ حنا نفتقد مثـل شـرواك=ياكبرت القالات عطفـك ولينـك
لو تنفدي ياابـوي والله لاافـداك=بروحي وتبقى حي والله ضمينـك
الله يثيبـك مافعلـتـه بدنـيـاك=في جنة الفردوس وتقـر عينـك
وصلاة ربي عـد دورات الافـلاك=على النبي اللـي هدانـا لدينـك




شعر/ العميد م. دهام غلاب الردعي العتيبي

الله الله


قصيده رثائيه مؤثره جدا ..



صح لسااان الشاعر الرائع العميد / دهام غلاب الردعي العتيبي



وبيض الله وجهك ياخو سوده وياليت تزودنا بروائع


أخرى للشاعر ..


والله يحييك ونشكرك على المصافحه الاولى الرائعه ,..

الله يرحمه ويسكنه الجنه

ويعطيك العافيه على نقل القصيدن


تقبل مروري