شاعر عتيبي يمدح مطير

يقول الشاعر :

عندما حسيت بالتقدير واكرام الضيف والجار من قبيلة مطير توجهت بهذه الابيات لقبيلة مطير اهل الشجاعة والكرموالنخوه الاصيلة وامل من القراء وغيرهم المعذرة وعدم المواخذه عسى ولعل الحظ يجلب لي من المجموعة الكريمة الذي نريده دون المال .

ابوتركي عطاني بالوفا ما قال لي بعدين =عطيه تبهج الخاطر وتكسر شوكة العدوان
بعد جيته وحياني وكرمني ما قال منين =مطيري قام بالواجب قرنتي مكرم الضيفان
تزهلي قرنتي ما توخر بالقساء واللين =وفعل الطيب والنوماس دغري عادة المطران
بشوش الوجه واحمر عين واف الباع والشبرين =خفيف النفس نادر حر والنعمين يا سلطان
وحاضر عندنا الباجم وقال الدرب تبغاء وين =وقلت الحر تكفيه الأشارة عان يا سليمان
طبيعة مكرم الجيران مذخوره من الجدين =وقام الشاطري تقدير ماجنب سوات فلان
وبن (00000 )تدله بالوزارة واذنكم توحين =وبن عايش وبن هلال والجبعا وبن عثمان
وبن درويش امير صعيب بالعادات يقض الدين = زمام الماقف الغصاب قاده ملحق الذلان
يا بن درويش جيرتكم قديمه قبل عام الفين =جنوب رخام والشعبه وشرق المهد يا فيحان
وبن مدلج وبن قرناس والعقصان بالحرفين =يجيبون القلائع بالمشوك والعدو زعلان
وبن جبرين أمير بعون وافي لا حيا بالدين =عقيد بعون وان جات الحمياء نعم بالشجعان
وسايط بالوظايف وانت وجهك يدرك الثنتين =نبا ضربات عونيه تزيل الحقد والنكران
وابو قرنين من حمر النواظر والعرب دارين = ليا منك زبنته ما توخر شمر الذرعان
لنا ولغيرنا عنده هلا يا مرحبا واهلين .=مطيري من مطير مردد الابوين والجدان
نخيتك يا مقر الجود و النوماس شوف العين =نفك احصارنا من هزبة العدوان والجيران
وعبادل مع براه ونعم قاد الحلف ابو قرنين =عدو القوم وان شبت هبوب الحرب بالنيران
دخيلك بالعوايد والقديمة وانت راع الزين =عوايد حلف بالعليا سمعنا به من الشيبان
وخل اللاش والمكار تحت الكف والرجلين =وراسك فوق ما ينزل مطيري بالسطر مليان
كبنك يالمطيري تلطم العايل على الخدين =وتمخص عن فؤادي يالمطيري سلة النسيان
رعت علوى من الحره ليالمطلاع بالشولين =ليا واره مع الخفجي وكل الصلب والصمان
جميع امطير بالشلفاء ورمح الموت بالحدين =وبن شرار والدوشان شيب العين بن عشوان
وجزل المدح ما ينقص عن الجبلان والباقين =ليا قامت براه وجات علوى بالفغم ضيدان
شهر صاهود بالمخلاب ويحارب مع البدين =وبن بصيص بالمواقف قام بسربه مع الصعران
ولي مطلوب ثاني عند نايف والدويش حسين =عسى الله يامر الجبعاء يقوم ويفتح البيبان
عزيز الجاه و النخوه ولد مطلق نبا (.000) =نبا (.0000) بالتأكيد جذري نايف العنوان
وابا ادعيلك ولي العرش بخير ورحمة الوالدين =وبشرني تراني بأنتظارك والكريم معان
يقوله راعي الزرقا من العتبان يا موحين =عموم مطير تستاهل نعم و الخيل بالارسان
الشاعر
تراحيب قينان العتيبي

الشاعر تراحيب بن قينان العتيبي

ونعم بعتيبه ومطير وصح لسانه,,

ونعم بحمران النواظر كلهم

وهم اهل للمدح



وصح لسان ابن العم

ولاهنت ياخلف

ونعم والله بحمران النواظر مطير ..



وصح لسااان ابن قينان



ولاهنت ياخلف على النقل الرائع ..


تحيتي
..

ونعم بكم يامطير وتستاهلون المدح ..

وصح لسان العتيبي ..

والله ونعم منا لايوم الدين

تستاهلون يامطير


وصح لسان العصيمي

وبيض الله وجهك ياخلف على النقل

هذه مطير حمران النواظر لا شك انها تستحق المدح والثناء وهي أهل لذلك


ونعم والله يامطير قبيلة تستاهل الطيب


صح لسان الشاعر ولاهنت ياخلف سلمك الله

يستاهلون المدح ولاهي غريبه ..

..

..

مطير حمران النواظر والله ومليون نعم يستاهلون المدح

وصح لسان الشاعر