ليت القبائل كلها من هــــــــوازن

ليت القبائل كلها من هــــــــوازن=حتى يسود الطيب في كل الاوطــان

يصير ما بين العرب بالتـــــوازن=ما فيه لا زايد ولا فيه نقصــــــــــان

أسامي عتيبه على الكل فـــــــازن=أشهد شهادة حق والحق سلطـــــان

اسلومهم بالعز والطيب جـــــــازن=وميزانهم يرجح على كل مــــــيزان

فعل العرب مع فعلهم مايـــــــوازن=من غير نقص ٍ فالقبائل وحقــــران

قد قالها الشاعرفخر واعتـــــــزازاً=أنا عتيبي واحسب الناس عتــــبان

لأتلومني في حبهم يأبو مــــــــازن=أحب واقدر طويلين الأيمــــــــــــان

وراكان وابياته على إرضاي حازن=ما قل ودل وزبدة الهرج نيشـــان


عبدالله بن فالح المصارير

صح لسان الشاعر

وانعم واكرم بقبيلة عتيبة من غير قصور في باقي القبائل...

قبيلة كريمة ولها تاريخها المجيد وابطالها عبر التاريخ...ونحن ماجينا هنا الا محبة فيها وفي ابنائها.

شكرا لك يبو طلال

الشاعر عبد الله فالح المصارير الدوسري ,غني عن التعريف ,ونعم فية وفي قبيلتة الدواسر , لو ماني عتيبي تمنيت اني دوسري.

ونعم بعتيبة وصح لسان الشاعر قصيدة جزلة وسلمت على النقل

صح لسان الدوسري

وتسلم يمينك يالقرم على هالطرح المميز

يسلموووووو

صح لسانه واللي مجملها أن اللي قالها من قبيلة الدواسر خطلان الأيدي ماعليهم زود