قصيدة في الأسهم

بسم الله أبدا بذكره منشـي أبروقـه =سبحان من بالسما الأمـزان سايقهـا
ربٍ كريـمٍ لطيـف بحـال مخلوقـه=الواحد اللـي كفـل خلقـه ورازقهـا
أبدا بتفسير حال السهم مـع سوقـه=أسواق الأسهم عسى الرحمن يحرقها
طبيت في وسطها والنفـس محروقـه=أدور الربـح والأمـوال عاشقـهـا
وأخذت ذخر الزمن قطيـت صندوقـه=حصيلي اللي عـن الأنظـار مدرقهـا
قالولي الناس سوق الخيـر مطروقـه=والنـاس يامـدور الأربـاح عانقهـا
وأخترت سهم المواشي عالـىٍ ذوقـه=صيته طغى فوق الأسهم صار فاسقها
والناس يمـه تهـد الطيـر بسبوقـه=ماتدري إن الشـرك بيديـن سايقهـا
هامورها اللي يزود السعـر ويسوقـه=يسحب من العرض صفقاته ويسرقها
ويحط في خانـة المطلـوب منطوقـه=رمز العصابة عسى الباري يفرتقهـا
يرسم لهم خطـةٍ صعبـه وموثوقـه=والناس مثل البسوس تحـب خانقهـا
يشيل منهـم ويجمـع كـل ممشوقـه=والناس تعطيـه مامعهـا وترشقهـا
والياشبع وأنتهى وأنكشفـت فتوقـه=حول عليهـم كمـا محـوال باشقهـا
ثم رشهم رشت الرشـاش ماتعوقـه=والناس في غبـة الأسعـار يغرقهـا
حسبي عليه الجشع نسـاه مرزوقـه=عجوزنا اللي بوسط الـراس فالقهـا
كانت عجوزٍ عزيـزه حيـل مرموقـه=ومن عقب الأسهم تصيح وبان مفرقها
والعود مصلح حبيب الشعب معشوقـه=بعد الخساير يصلي صـوب مشرقهـا

صحّ لسانك ،، وبيّض الله وجهك ..
قصيدةٍ جزله ومن جزل ..

وتقبّل تحيات أخوكـ/ أبوشروخ الحافي .......

صح لسانك وسلم بنانك

جزله من جزل

تقبل تحياتي

...
..

مرحبا مليوووون يبو مشعان

حمدلله على سلامتك ..وين الغيبات يارجل؟


قصيدة معبرّة وجزلة

صح لسانك وسلم بنانك


ودمت للابداع



مودتي

.

صح لسانك وسلم بنانك


لاهنت


تحياااااااااااااااااااااااااتي

صح لسانك ولاهنت

صج بدنك أخوي / أبو شمروخ

وشكراً على المرور

أخوك : بدر سفر

صحّ لسانك ،، وبيّض الله وجهك ..


قصيدةٍ جزله ومن جزل ..



تحياااااااااتي