اقرب شاعر من عتيبه

حياك الله واستلم يالغالي


مرحبا عد ما ذعذع نسيم الهبوب = بين صفر الدلال وبين فنجالها
العتيبي مكانه في صميل الحدوب = والرجال الحبيبه عاد بافعالها

لله درك وانا من ضمن صفك يا الفارس

ابقاك الله

واسمح لنا باللعب معك ..




والبقا عد ما تنبض نظاف القلوب=عند قوم ٍ تعز الضيف فحلالها

العتيبي من الله اجودي ومحبوب=انت زد قلتها .. واخوك زد قالها

فارس الباديه..مبدا كايف كعادتك..صح لساانك

فيصل الثبيتي كفيت ووفيت يابن العم

رد وافي من شاعر متمكن..صح لسانك

ونتعلم منكم يالثنينه:)

حياك الله يالثبيتي ومنك نتعلم ونستفيد يالغالي ..واستلم طال عمرك


القلوب النظيفه فوق روس الرقوب = كل ابوكم نشاما عند منزالها
أشهد إنّ حبيبٍ على مرمى الشعوب = وانا راع المبادي عارف احوالها

فهد العجمي لله در مرورك يالغالي اسعدتني ويشرفني حظورك 000 مخلف الهقاوي لك اجزل التحايا ويشرفنا مرورك العاطر لا هنت يالغالي

عاشوا النشاما

قواكم الله

فارس البادية والثبيتي

واصلوا والعين ترعاكم

؛؛؛؛

؛؛؛

؛؛
؛
مقاطي الحجاز

يالربع صبحكم الله بالخير

لا هنتو جميع على الردود والمتابعة

الحقيقة صار في فرق كبير بين تواجدي

وتواجد الاخ فارس البادية .. واللعب راح

يبرد بهالطريقة ..

فـ انا كلمت الاخ فارس على الايقاف

واللعب في وقت ٍ ثاني ..

اذا سنحت الفرصة ..

وابشرو بالطيب .. والله لا يهينكم جميع

فيصل

لا ضيف شيء الى كلام اخي الشاعر فيصل الثبيتي ... سوا شكركم على مروركم العاطر وبيض الله وجيهكم جميعا ولا هنتوا .. تحياتي