ناصر المرشدي للاهميه

مرحبا ياشاعر دوب علقت الوسام=مار حنا سابقينك وخذنا الاوله

والله مانذم الرياجيل الحشام=بارك الله في رجالن تفيد المرجله

البقاء ياللي تغني وفي خشمك عرام=تدري انا ماحصلنا عليه مجامله
يارجالٍ تكسبون المراجل للامام=من يحصل شي بين العرب يستاهله

فيه علم نسمعه يارفيعين المقام=والسوالف ماتنزل حدن من منزله
تعرف ان النور ياصاحبي يجلى الظلام=والكلام اللي نقوله عسى ماتجهله

في غياب الفعل يكفي عن الفعل الكلام=وكل رجالً يحاسب بقوله وعمله
انت رجالٍ تبا الحرب ماتبغى السلام=من عرفتك وانت من مشكله في مشكله

-
-
-
-
-هههههههههههه

الحمول الجايره ماتبى رخو العظام=وانت حملك ياجمل منت قادر تنقله
كان صامل شد حيلك تحزم بالحزام=ماعلي خلاف وانت افعل اللي تفعله

يالعضياني تجيب المصيبه كل عام=ولاتجنب لين مني تجيك مفلفله
ان تحزمنا ترى الضرب فالميت حرام=وان بغينا شي لو بالغصيبه ناصله

لاتعدي الحد ياجعل جدك للرحام=والكلام الي ينقدك محدن يقبله
يدك فيهاالقيد والراس في وسط االخطام=ماانت قادر تنقض الحبل ولا تفتله

والله انا ماقربنا النقاده والملام=بس يارجال اشوفك تحب البلبله
انت خشمك خازمينه لك الله بالخزام=وان لقيت الطيبين اخذ ثوبك باسفله

قبل لايلعبك ابليس ملعون الرسام=غير الموضوع واللي تقولة بدلة
والله اني لسهرك لين ما تقدر تنام=كم نصحتك عن دروب الردى والمهزلة

مرحبا ياشاعر دوب علقت الوسام
مار حنا سابقينك وخذنا الاولـه
..

الله الله
كفو نايف :) ومسجل عليك مخالفه
ههههههههه

....
البقاء ياللي تغني وفي خشمك عرام
تدري انا ماحصلنا عليـه مجاملـه
الله الله
انشهد ياناصر
...
كلكم عمالقه ومدرسه
...

نايف الروقي & ناصر المرشدي


ابداع .. ابداع .. صحت الاسن ..


متاابع ..

مسك الختام عندك



حشمت الغالين واهل المعزه والمقام=وقفتني قبل لسلسلك فالسلسله
فالنهايه لك يانايف تحيه واحترام=عندك اخر بيت واللي على بالك قله

الله الله


ابيات من ذهب

نستطيع ا نقول عن هذه المحاوره