والعصيمـي نشوفـه كـاربً محزمـه

مــقــعــد الـدغـيـلــبــي
ياسلامي على اهل الطيب واهل الوجوب
والعصيمـي نشوفـه كـاربً محزمـه
ياهبوب الشمـال وياهبـوب الجنـوب
الزمن قـدم عينـي حاميـن ميسمـه








ســعــود الـعـصـيـمـي
مرحبا عد ما ذعذع نسيم الهبوب
عد من خط في طرسه براس اقلمه
يانسيم الشروق ويانسيم الغروب
كـل رجـال دونـه لازم يلزمـه







مـقــعــد الـدغـيـلـبـي
اكثر الناس علمه فص ملح ويذوب
قلت ابه مكرمه ثم ضاعت المكرمه
ناقة هذيل ياراع السوالف حلـوب
كل واحد معه طاسه يسوق قدمـه







ســعــود العـصـيـمـي
تدري انا علينا ماتضيق الدروب
وان لقيت الغشيم بطرقتك علمه
حاربوها ليا حان اللقا للحروب
مار خل الدعاوي كلها طلسمـه







مـقـعــد الـدغـيـلـبـي
الرحا دايره من فوق كل الحبوب
واشرم القوم طفى نارها برطمه
وانت عمتك جات محمله بالذنوب
بس مافيه عفو ولابها مرحمـه









ســعـــود الـعـصـيـمـي
ماحسبنا حساب منفخين الـذروب
من يمر بطريق اربوعنـا نكعمـه
والله اني لاخلي كل كافـر يتـوب
لين تصبح جميع اهل الصنم مسلمه









مـقـعــد الـدغـيـلـبـي
اعتقد كل شيً فالزمان محسوب
وانت منته بقادر تنظم منضمـه
لاتضوي جمالٍ ماتشيل الغروب
خلها بين وادي عصيل والمردمه






ســعــود الـعـصـيـمـي
السعد عن طريقك لا يزال محجوب
اسمع العلم منـا مايبـا ترجمـه
يابن منعر بلشنا في كثير الشعوب
ماجهلنا عقـودٍ فالزمـن مبرمـه










مـقــعــد الـدغـيـلـبـي
بين دابً وعقرب سمها فالكعـوب
كل ماجيت ابابني جدرها تهدمـه
كان بلشان منته يالعميل مغصوب
من ينوش العنب بالله وش محرمه






ســعـــود الـعـصـيـمـي
انت راسك من الايام كله ضـروب
سلم المجد بـدري تعتلـي سلمـه
الله اللي عصمني من جميع العيوب
يوم بعض العرب مافاد غير اغنمه







مـقــعــد الـدغـيـلـبــي
يوم اعدك صدوق ويوم اعدك كذوب
بعد ضيعتهـا فالليالهـا المضلمـه
نوح داخل سفينة نوح مالك ركوب
وين رايح دخيلك ويـن يامسيلمـه








ســعـــود الـعـصـيـمــي
جيت ابا اقص ظهر الذيب قلت محبوب
واخر الوقت تشكي يوم يفتـح فمـه
انت خلك بجنبي كان راحـت شبـوب
لايهمـك خيـال ارعودهـا المرزمـه

صحت السنت شعارنا الغالين
ومشكوووووووووووور يالغالي

سعود العصيمي ..مقعد الدغيلبي
اسمين كانوا ولازالوا ..على قائمه شعرائي المفضلين


لا املك الا ان اقول ...داموا للشعر ...



كل الشكر لك ياابو طايل على النقل