قصيده جديده ارجو ان تحوز على رضاكم

الشعر اله قيمـه ورايـه ومرقـاب=وامـا رفعنـا قيمـتـه لارحمـنـا
حنا مقام الشعر نحسب له احسـاب=نرفع علـى راس الطويلـه علمنـا
نطلع مع الشعار في كـل محـراب=ماترتخـي بيـن النشامـا حزمنـا
اليا بدعنا القاف طوعنا الاصعـاب=جـزل الكـلام المعتبـر ماعدمنـا
قول على برهـان مانـي بكـذاب=الصدق والله شيمـة مـن شيمنـا
وليا شتمنا بارد الـراس وغتـاب=من غيبته يابـو محـارب سلمنـا
مدام ماهو من طويليـن الاشنـاب=فالقايمـه نشطـب عليـه ابقلمنـا
وتكفون ياللي عندكم حل الانشـاب=انـم لكـم بالعـز غايـات وامنـا
السوق حلوبـه هواميـر ينسـاب=وليـا تدهـور سوقنـا ماغنمـنـا
بوجيههم لازم تصكـون الابـواب=العز ياهـل المعرفـه لا عتصمنـا
الشعر اشوفه تالي الوقت منصـاب=يبـا يمـوت انمـا وقفنـا وقمنـا
جرحه عطيب وماتداويـه الاطبـاب=الا بيومـن فيـه نكـرب احزمنـا
اصبح ضحية كل فاشـل ونصـاب=الله يجازي مـن ضلمـه وضلمنـا
راحو عليه اهل الردى مثل الارهاب=وحنـا بغيـب ايامنـا ماعلمـنـا
لكن قوموا واحكمو كـل مضـراب=ليـا عمرنـا صفنـا مـا نهزمنـا
ولو شاب راسي غالي القول ماشاب=لرقاب صعبـات القوافـي وسمنـا
ون كان ماقالو صدق كـل ماجـاب=وجودنـا جعلـه يسـاوي عدمنـا
وقولن بلا برهـان فاشـل وكـذاب=والحـمـدلله فالطويـلـه علمـنـا


قصيدة الشاعر/عبدالله ضيف الله الاصعر الثعلي

صح لسان الشاعر عبدالله الثعلي

قصيدة جزله ووافية من جزالة شاعرها

تحيااااتي

صح لسان الشاعر عبدالله الثعلي

قصيدة جزله ووافية من جزالة شاعرها

الله...

كفو والله

صح لسانك على هالجزله
ولاهنت يالغالي

لاتحرمنا جديدك

محبك
,

كفوووو والله وهذاا ماهووو غريب على (عبدالله ضيف الله الاصعر الثعلي)

وتحيااااتي