عتبان مافيهم شرودٍ وختال

ياراكـب الي يقـطـع الدرب في حين
……………….. يسرع كـما تسرع مـحطات الأرسال

يخـدم عمـيله سـاعة الـعسر والين
…………........... وفي ساعتـه يـقطع بعيدات الأميال

مدفوع كاش ولا على صـاحـبه دين
………………......... ولاوقـف عـنده اشـريطي ودلال

وارد جـميـح ورقـم لوحـته ميتين
……………...... يشرح ضمير الي شكا ضـيقـة البال

ولـونه ليـا جـا اليل يعطيـك لونين
……………............لـونه حـمر كـنه كما اكـة الال

من نـوع ال اس تـسعـه وتـسعين
……………........... لاذاق تـرس الـدي للـخط مـيال

سـواقه الي لامـسك طارتـه زيـن
……………..........وليـا نـخيته بامر قال لك بالـحال

دليـل درب وعـارفٍ للـعنــاوين
………….............ماشـوشو فكـره تواصيف جــهال

حرك من الطائف عـصر يـوم الأثنـين
……………..خمـسه ونـص وساعته ضبطها عـال

متـحركٍ من خـط خمسـه وعشـرين
……………..........دق السـقـاره واخـذٍ خط مسيـال

وقـف وعـبا موتـره فـل بــنزين
……….............. مـتوجـهٍ يطربه صـوت ابن هـذال

ملـفاه داراً يكـرم ابـها انزيلــين
…………........ دار اشيوخ امـحللة صـعب الاشكال

امـنزلـة روس الـعـدا بالميــادين
………................. عـتـبان مافـيهم شرودٍ وختـال

وتشـهدلهم ام الصـفـر ونياشـين
…………….........في حـزةٍ يـطرب لـها كل خيـال

يلـفي عشـيره والرجال الذهـيـنين
……………... اهل المـكـارم والمغازي والابـطال

ذيك الديار الي عسى وقــتـها زين
……………….. لعلـهم بمـزون وامــطار وخيال

ترجـع ديرهم لين تـصبح بسـاتين
……………….. فيـها الربـيـع الي منى كل نـزال

ويشرب قراح الي من اول على العـين
……………….. ماعـد يبغـا غير مطوية الـجـال

ملفاه ابن عايض على الـعز والـدين
……………….. قول وفعل ماهي سـواليـف تنقال

امـعشي الخطار حيلٍ من الضـين
……………….. حيلٍ سمانٍ مامشت دار الامـحال

وليا وصلتو ولد عايض على حـين
……………. اعطوه مكتوبي على سرع وعجال

ابشتكـيله من ضمـيرٍ وقـع بين
………….. بين الهوى والعشق والحـب قتال

ابشتكي قـلبٍ تـعلق مـعا زين
……………….. عـني تـغير وابدل الحال في حال

دنيا يـبن عايض عسى ربك يعين
……………….. اقفت بروحي واودعت فيه سلال

وقتٍ طعـني طعن من غير سكين
……………….. ازريت احصل منه مطلع ومدخال

وقتٍ عطاني من ردات الـموازين
……………….. حطت علي حمـولها خف وثقال

حملٍ ثقيلٍ تعـجز به البـعـارين
………… ويعجز بها وصف المعاني والامثال

عني تغير فالـزمان الـريش العين
……………….. وكثر ظنوني كثرت القيل والقال

يالله ياخالق ابن ادم من الـطـين
……………….. يامـنزل التـوبه وايات الأنـفال

قرب عشـيرٍغـيبته كنهـا اسنين
……………. من ماب روحي وغيبته خمسة اليال

الله الله عليك ياذيب عتيبه الهيلا ياخطير ...
والله يستر منك وعليك قصيده اعتبرها ناريه ومثقله بالابداع ...
سجلني من المعجبين لشعرك وبإنتظار ابداعاتك الجديده ....
تحياتي لك ...

تسلم يمينك.

اخوي ذيب عتيبه


عزالله انك ذيب وقصيده جزله ووافيه


ولا تجيب الا الجزل الوافي

ذيب عتيبة سجل اعجابي بهذه الرائعة الجميلة

صح لسانك ياذيبان

..

الله الله ...

مبدع يا ذيب عتيبه .. قصيده جزله من جزل ..

وصح لسانك حتى ترضى ..

وفي انتظار جديدك يالغالي ..

:)

أخوك

يسلالام يسلالام ياذيب

كفيت ووفيت



تقبل مروري




..




..







,,






مرقاب