لعل السحاااااااب

لعل السحاب اللي نشى غرب وانحدر=على نجد يانواف تركد مخايله
ويضلم سماه وينطلق منّه الثعل=ويسكرهواه ويبجد القاع وابله
تلج الطيور بصوتها عند نزلته=مطرخير لابرد ولاهي بقايله
يرش النفود وينغسل مثمرالشجر=ويجعل عبيرة نسمة الجوهايله
حقاق يدق الارض من قو خابطه=يهزالنخل تلقى العراجين مايله
ركد وابله لين ارتوى طامن الوطا=عليها ارتكى كل الاداعيب سايله
سقا وادي الصمان مع وادي الرمه=لوادي حنيفه وصل سيله نثايله
ثلاثين يوم وليل يانجد ديرتي= ومن لايحبك جعل ماني بقايله
ثرى نجد عن غيره مثل صافي الذهب=وطاها هواها ماندوربدايله
وغلامملكتنا من بحرجده الحمر=الى ساحل الدمام هلت هلايله
من الجوف لهضاب الجنوب ومناطقه=رحمك الولي ياشبل هذي فعايله
فعايل رع العوجا على صهوة الفرس=آباقول لي قولا وثبّت دلايله
حكمها بشرع الله والأمن سادها= بعدخوفهم كل رقد مع عوايله
نصر دعوة الوهاب غصب عن الذي=على عزة الاسلام يخفي غلايله
شجاع على صيته تعلت مناصبه=على صفحة التاريخ طابت شمايله
بلادي بلادي دونها يرخص الغلا=ملخص كلامي دون مزحه صمايله
احب القنص باهضابها واعشق السهل=برفقة ارجال همهم كل طايله
واحب القلوب الوافيه واحفظ الوفا=وراع الجميل اموت مانسى جمايله
واحب الشعروالشعرمن عادة العرب=وراع الطيب والله يعجبني مثايله
وقلبي خضرينساق من نسمة الهواء=لياشاف مزيون ينسف جدايله
شريف الطبايع جعلني مقرب الردى=اموت بعزاز ولااختفي سد عايله
=عيسى العوفي

[صورة غير متوفرة] ([صورة غير متوفرة])

مشكور عيسى
صح لسان قايلها
دمت بسلامه...

ويضلم سماه وينطلـق منّـه الثعـل
ويسكرهـواه ويبجـد القـاع وابلـه


صح لسانك ولكن تمنيت القاف (ايله)


:)



,,,


ــــ

عيسى العوفي

مشكور يالغالي

وصح لسان قايلها


تقبل مروري واحترامي

الله الله


قصيده ولا اروع


شكرا يالعوفي

صح لسااااااااااااااااانك لاهنت
قصيده قمه لاهنت تقبل تحياتي