وجـــدي عــلـيـهــا
جهز العطاوي31-Jul-2009, 04:31 PM
وجدي عليها وجد شالح على ذيب=أو وجد أبو ليلى على أخوه وايل
أقفت وخلت وسط قلبي لواهيـب=والدمع من عيني على الخد سايل
الزول زول الظبي مابه عذاريـب=والعين عين الحر ذرب الفعايـل
أنا أشهد إنه سيد كل الرعابيـب=وفي البيض مثله نادرات وقلايـل
والله لولا الخوف من عالم الغيب=إني لاخطفه وأعتلي كـل طايـل
يابو فهد يالقرم عطب المضاريب=وش حيلتي ياكود بـدع المثايـل
وختامها إعداد رمـل الأداعيـب=صلو على الهادي عظيم الفضايل
عبدالرحمن الهيلوم31-Jul-2009, 07:51 PM
بيض الله وجهك يالعطاااااااااااوي
صح السانك يالغالي ابن الغالي
نوآف الغنامي31-Jul-2009, 08:15 PM
الله الله
صح لسانك يا جهز
مبدع كعادتك ..
..
خلف الروقي31-Jul-2009, 08:17 PM
بيض الله وجهك
وصح لسانك
والله يعطيك العافية
جهز العطاوي04-Aug-2009, 06:00 AM
صحت ابدانكم جميع
ولاهنتوا على المرور الجميل
عمر الدغيلبي05-Aug-2009, 10:21 PM
الله أكبر عليك يا العطاوي
صح لسانك مليآآآآآآآآآآآآآآآآآآآآآآرآآآآآآآآآآآآآآآآت
قصيده طيبه وبيوت وافيه
بيض الله وجهك
والله أنك جـــــــزل
سجل إعجابي
جهز العطاوي08-Aug-2009, 01:07 PM
اخوي عمر العتيبي ووجهك طال عمرك
وصح بدنك ولاهنت على المرور الجميل
وماعليك زود
طلال ناشي08-Aug-2009, 03:52 PM
صح ألسانك ياجهــــــز
تحياااااااتي
فهد النفيعي08-Aug-2009, 10:46 PM
الزول زول الظبي مابه عذاريـب
والعين عين الحر ذرب الفعايـل
كالعاده ابيات جزله
اهنيك على شاعاريتك وقريحتك الشعريه وانتقاءك للكلمات...
مبدع يابوفالح
ننتظر جدديدك
وقواك الله
جهز العطاوي12-Aug-2009, 08:50 PM
طلال ناشي
فهد النفيعي ( ابو عامر )
صحت ابدانكم وبيض الله وجيهكم على المرور الجميل
دمتم بوود
سيف عنزه12-Aug-2009, 08:59 PM
صح لسانك ملااايين
وبيض الله وجهك يا الغالي ماقصرت
بندر المرشدي14-Aug-2009, 05:42 PM
صح لساااااااانك
لا غرابة في جزالتك
جهز العطاوي20-Aug-2009, 12:42 AM
سيف عنزه .. بندر المرشدي
صحت أبدانكم يالغالين ولاهنتوا على المرور الجميل
