سلام الله على اهل المنتدى والعلم راسه فوق / الطارف !!
فهد الشيباني18-Jun-2010, 05:47 PM
سلام الله على اهل المنتدى والعلم راسه فوق = على هام السحب والكل ماجوده سبب جوده
انا ماادري عن اللي لادخل فالسوق ماله سوق = عسى كلن يقدر حاجته فحدود مجهوده
عبدالله الفهد الاسعدي18-Jun-2010, 07:23 PM
وعليكم السلام ورحمة الله
استلم لاهنت
عبدالله الفهد الاسعدي18-Jun-2010, 07:25 PM
هلا يامرحبا ترحيبة بالمنتدى المرموق = عسانا مع دروب الخير كلٍ يطلع سنوده
كثيرات البضايع مافرقها غير راع الذوق = يميز من تبصر والبضايع كثر موجوده
سويلم الشيباني18-Jun-2010, 07:27 PM
عساكم على القوة وصحت السنتكم
عبدالله الفهد الاسعدي18-Jun-2010, 07:44 PM
عساكم على القوة وصحت السنتكم
صح بدنك يالشيباني
شكراً لك على التواجد
علي الشهراني18-Jun-2010, 07:46 PM
صحت السنتكم جميعا
بدع و رد على مستوى
متاابع لكم و للابدااع
فهد الشيباني18-Jun-2010, 07:52 PM
يدوم الك البقا يالشاعر اللي تحسن المنطوق = عتيبي والعتيبي كل ماحميت قوى عوده
انا مااقول غير الله يعين ويرزق المخلوق = يكافح فالحياه وكل ما حصل يبا عوده
فهد الشيباني18-Jun-2010, 07:54 PM
الشيباني / الشهراني ,,
صحت ابدانكم ,,
وشاكر لكم على التواجد ,,
عبدالله الفهد الاسعدي18-Jun-2010, 08:02 PM
يا بن مشيب تهرج والطريق يحدد الطاروق = سموم القيض تجعل كل طرقي يارد عدوده
بحول الله وتقديره جملنا مايجيه العوق = و اقول الله كريم يقهر الشيطان وجنوده
عبدالله الفهد الاسعدي18-Jun-2010, 08:03 PM
الشاعر الشهراني
صح بدنك وطاب معدنك
حضورك شرف كبير
فهد الشيباني18-Jun-2010, 08:32 PM
يصيح العود من ناسٍ عليها فالزمان فروق = غزو عليه ولا سلم منهم هوه ولا ذوده
نبا نكتب على الدفتر وصار الدفتر المشقوق = وغير اقلامنا ماله طعامٍ ينعش وجوده
عبدالله الفهد الاسعدي18-Jun-2010, 08:45 PM
احد يطلع زحل وحدٍ طموحه دون سوق النوق = واحد له هقوة ضخمه ولكن خانت عضوده
لعلك تظهر الدانه بعد ماتفتح الصندوق = تزول هموم ناسٍ من غثا الايام مظهوده
الاخ شبل شيبان
تراني جاي من سفر والمعذرة ودي ارتاح
ان حبيت كملنا غداً
او لعله يكون لنا لقاء قريب
تصبح على خير انت وكافة المتواجدين
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
