19-Jul-2010, 01:22 PM
وهذه قصيدة اخرى للشاعر فالح بن ماطر بن صنيدح الحافي
عديت في رجم(ن) طويل(ن) ومزموم = رجم(ن) جنوبه ملس مثل المراية
عديت ابه ظميان والصدر مزحوم = وحولت من راس الطويل بظمايه
وامسيت من كثر الهواجيس مهموم = اصبر واجامل مير بذت خفايه
طول ذنب الجربوع قسمي من النوم = واقوم واجلس من خلاي بخلايه
قالوا تعش وقلت ما كان معلوم = واصبح خميره عند راسي عشايه
اليا ذكرت ايام غاديتن حلوم = ظاق الفضا واطبق عليه سمايه
يابعد فرق العام عن وقتنا اليوم = بعد الوديعه عن مسيحه وسايه
ايام عشاق الولع كل شغموم = اللي لهم قص المعاشير غايه
بكل افدع(ن) مافيه توسير وثلوم = من ساعة الربطه يحوفه عنايه
طش النجير ولابقا فيه مطعوم = وتو المواسي تالي الريش جايه
نسرح صباح ولاالمسى جن حثلوم = بأرض(ن) سماح ولا عليها حمايه
ناخذ شهر نقنص ونربط عن الحوم =رغبة وحب وللنشامى هوايه
اناسة(ن) منها اكثر الناس محروم = الصدق بين والدعايه دعايه
والله لجهز للقنص دايم الدوم = لو كان راقد في سرير العنايه
قل للمريض اللي يعالج بقيصوم = يقنص ويبشر بالشفا من دوايه
فالبر عندي حلم واخلاق ياقوم = وشعر(ن) جديد وخدمة(ن) لخويايه
وليا ذكرلي ميتن قلت مرحوم = واحلم على الجاهل واحب اقربايه
وان قالوا نكفنا غدا البال مكظوم = البر لي ولعه وغاية منايه
وان جيت يم البيت راحو هله قوم = وتغير اخلاقي وجاني بلايه
هذا عطيته كف لو كان مفطوم = وهذا هجته دون ذمب بعصايه
وهذاك اقول ابوك ماهوب مرحوم = وجاني هراف وقلل الله حلايه
عديت في رجم(ن) طويل(ن) ومزموم = رجم(ن) جنوبه ملس مثل المراية
عديت ابه ظميان والصدر مزحوم = وحولت من راس الطويل بظمايه
وامسيت من كثر الهواجيس مهموم = اصبر واجامل مير بذت خفايه
طول ذنب الجربوع قسمي من النوم = واقوم واجلس من خلاي بخلايه
قالوا تعش وقلت ما كان معلوم = واصبح خميره عند راسي عشايه
اليا ذكرت ايام غاديتن حلوم = ظاق الفضا واطبق عليه سمايه
يابعد فرق العام عن وقتنا اليوم = بعد الوديعه عن مسيحه وسايه
ايام عشاق الولع كل شغموم = اللي لهم قص المعاشير غايه
بكل افدع(ن) مافيه توسير وثلوم = من ساعة الربطه يحوفه عنايه
طش النجير ولابقا فيه مطعوم = وتو المواسي تالي الريش جايه
نسرح صباح ولاالمسى جن حثلوم = بأرض(ن) سماح ولا عليها حمايه
ناخذ شهر نقنص ونربط عن الحوم =رغبة وحب وللنشامى هوايه
اناسة(ن) منها اكثر الناس محروم = الصدق بين والدعايه دعايه
والله لجهز للقنص دايم الدوم = لو كان راقد في سرير العنايه
قل للمريض اللي يعالج بقيصوم = يقنص ويبشر بالشفا من دوايه
فالبر عندي حلم واخلاق ياقوم = وشعر(ن) جديد وخدمة(ن) لخويايه
وليا ذكرلي ميتن قلت مرحوم = واحلم على الجاهل واحب اقربايه
وان قالوا نكفنا غدا البال مكظوم = البر لي ولعه وغاية منايه
وان جيت يم البيت راحو هله قوم = وتغير اخلاقي وجاني بلايه
هذا عطيته كف لو كان مفطوم = وهذا هجته دون ذمب بعصايه
وهذاك اقول ابوك ماهوب مرحوم = وجاني هراف وقلل الله حلايه
