زبن الدخيل وستر راع الاثامه

قصيده مسنده الى الشاعر مسفر القحطاني


وجهت ابه يوم اهجعن المخاليق= يوم ان كل ن هاجعن في منامه

باللي سواته داخل السوق ماسيق= اللي ليا شغلت يرجع حزامه
رزرايز ن مايركبونه مطافيق= لا دق سلفه قام يرزم رزامه
وجهت ابه من دار ربعن مطاليق= اهل الوفا ومفرقين الجهامه

واخذت ابه مع كبري السيل تحليق= وقلت نرجع لك يادار ابسلامه

وقام يتزوع كن يضرب مطاريق= سوات حرن اطلقوله خطامه

ثم انحدر من عاليات الشواهيق=ونحرتبه نجد الوفا والشهامه

للي غالهم بين حدب المعاليق= زبن الدخيل وستر راع الاثامه

اللي عسى مايلحقه فالزمن ضيق= قرمن مسيس من رجال القرامه

اللي عطاه الله جاه وتوافيق= يكفي الضيفان منه ابتسامه
مسفرو لدقحطان مافيه تبريق= عز الخوي وعزز الله مقامه
وقت الاذان وقبل لافكو الريق=والصبح باقي من جلا من ظلامه
وانا ملبقبه على الباب تلبيق= في دار قحطان الشيم والكرامه
وصليت معهم بعد وضيت ببريق= وقلطتها على رجال الزعامه
والى فطوره دوب حطوه ماذيق=ولياه جاهز سارحن في دوامه
ها ثم رحبي حفيد العماليق=وطش البراهه ورتداله عمامه
ها ثم اخذنا فالسوالف طواريق=والياه بحرن زايدن فالتطامه
وفكيت اله بيبان قلب ن مغاليق= قلباً من اظروف الزمن فيه شامه
وقتن تساوت به جبور وتفاريق=والقلب من ماصار صعبن منامه

اللي تلفق فالسوالف تلافيق=والرجل يعرف منطقه من كلامه
اللي سوالفهم كثير التدافيق= الله يجنبنا در وب الرخامه
صبرت اله واليوم للصبر ماطيق=واخاف يحوجني لدرب الندامه
لكن يامطلق رقاب المغاليق=صاحبك رست له قبائل تهامه
واليوم سامع فالسولف تناويق= والوضع وانا اخوك زاد الاتحامه

وختامها وش حكم خون المواثيق= صاحبك من ماصار اله لاتلامه

صح لسانك ياخلف وبيض الله وجهك قصيده جزله من جزل

صح لسانك ياخلف

وكن لها بداية ماجيت بها

سجل إعجااااااابي

صح لسانك يابن سرحان

لا هنت يابن سراحان ..... قصيدة جميله لاياتي بها الا شاعر ...........

صح لسانك ياخلف وبيض الله وجهك قصيده جزله من جزل

صح بدنك يارائد وجهك ابيض

صح لسانك ياخلف

وكن لها بداية ماجيت بها

سجل إعجااااااابي

الاخ فهد صح بدنك ومنك نستفيد

الله الله ياخلف


صح لساااانك على هالقصيده الرااائعه "

الاخ /خلف
والله انك شاعر جزل حيث مثل هذه الدره لاياتي بها الا الجزل
ولك تحيتي

فهد الشهيب صح بدنك

صح لسانك يابن سرحان


قصيدة جزلة من شاعر جزل


تقديري

صح لسانك
وتقبل مروري