ياوجودي

اخواني الكرام : بعد التحية اتشرف بالعودة لمنتدانا الغالي ويشرفني المشاركة بهذه القصيدة


ياوجــــــودي


ياوجودي على قرة عيونيي=مشعل وباسل وكل البقية
ليتني مت قبل يودعوني =موتي من الفراق أهون علية

وادعوني مثل لو فارقوني = والعبايـر على خدي همية
إفترقنا وهم مثلي بكوني = وانتوجد على ايام ٍ خلية
كنت معهم وكانوا يسعدوني = كل ماشفتهم صبح وعشية
لا أصبح الصبح جوني شاركوني = في خلاص الحسا والشاذلية
وكل ما أمسى علينا الليل جوني =سولفوا عندي ولعبوا شوية
إن زعلت . ازعلوا ماعلموني = وإن رضيت اضحكوا ضحكة برية
وإن تغيبت عنهم وافقدوني = ينقضي يومهم نوح ٍ علية
وان رجعت انهضوا واستقبلوني = واحظنوني بلأحظان الدفية
كل شي ٍ يبونة يطلبوني = مالهم غير يمناي السخية
ماخبرت إنهم قد زعلوني = ولاحصل منهم خلاف وخطية
في غلاهم عيالي علقوني = مثل تعليق شمع ٍ في خلية
لكن الصدق لو مهما عطوني = عندي إلهم غـــلا مافيه زية
يكفي العمر لرضاهم يهوني = وإن بغوا روحي .. تجيهم هدية
ليش هذا الغلا ؟! لاتنشدوني = الله اللي زرع هالود فيه
مير أنا عقبهم زادت طعوني = كل ماطاب كيه !! جات كيه
يمكن من البكا تعمى عيوني = والقهر يمكن اصبح له ضحية
والله اني عزيز ٍ مايهوني = شامخ الراس وعزومي قوية
كل حمل ٍ تحملته متوني = مير هذا الحمل ماهو شوية
قلت أبصبر واهونها تهوني = يمكن الله يفرجها علية
مير أنا كيف أبصبر علموني = بعد راحوا وطاروا من يدية
ليتني مت قبل يودعوني = موتي من الفراق اهون علية

وسلامتكم
عبدالله الســـــــيالي

..
.

صح لسانك وقر الله عينك بمن تحب
ورزقك بره.

صح لساااااااااااااااانك

الاستاذ : مرزوق بن حمدان العتيبي


مشكور على مرورك الكريم والله يتقبل داك

صح لســــــــــانك