سلام الله سلامن

سلام الله سلامن ياصل الشعار واهل الشأن=يزف الورد واليشموم مع كادي وريحاني
بعدها ياعجاب الله كريم ويرحم الاوطان=من بروقن تكاشف بالسماء وتهل والداني
انابنشدك عن عدن رهاوي يروي الظميان=على كثر الورود اللي تمر الشح ماباني
لكن بوقتنا الحاظر نقول اسم الله الرحمان=نشف عد الروى واصبح يصدر كل عطشاني

,,


صح لسانكـ ياحامد

وبانتظار شاعرنا المبدع عجاب,,


,,,,

على سلم الرجال أجازي الأحسان بالأحسان=أرحبك وأقدم لك تحياتي وعرفاني
بعدها معك في دعوتك يالله تأمر الأمزان=مطر رحمة يسيّل كل دار ٍ خدها فاني
وأقول العد ياحامد على خبرك مثل ما كان=لكن الشك لو يغلبك راح العمر مجاني
هذا رأيي قدحته مثل قدح الزند والصّوان=تراه الرأي الأول ماش لا ثالث ولاثاني

,,


صح لساااااااانكـ ياعجاب



رد وافي وكافي,,

صح لسانك حامد
ولك تحياتي