22-Mar-2012, 09:54 PM
الشاعر / ذعار عوض العصيمي
ياناس مالي فالغزل ودروبه = أعلنت من هاذا المكان التوبه
لو يعترض عنق المها قدامي = والله ماعاد الد عيني صوبه
ولا عاد يجذبني بحلو أخلاقه = وبهرجته وبضحكته وأسلوبه
أخشى من المنقود ومن الزله = ومن غلطهٍ تبقى علي محسوبه
جنبت عن درب الهوى بالمره = والعين من يم البني محجوبه
خليت درب الحب ومعاناته = للي يادوبه فالمحبه دوبه
الليل كله مشغلٍ جواله = ويقول أدورلي على محبوبه
والعصر في سوق النساء متمركز = يعدل شماغه وكاويٍ ثوبه
ماهو بمثلي غارق ٍ في همومي = كني على ماقيل في غيبوبه
يوم أتمعن فالزمن وصدوفه = وأيامه اللي بالقسى مصحوبه
أقول يانفسي وأخاطب نفسي = دنيا الشقى نياتها مقلوبه
تدرج رحاها بين يوم وليله = وفيها لصاحين العقول أعجوبه
مير الفطين اللي يلد لربه = ويطلب من المولى يغفر ذنوبه
وختامها يالله لاتخذلنا = وأفتح لنا باب الفرج والتوبه
كريم يابرقٍ سراله رفاريف = جعله على دارٍ عيوني توده
وجعله بشاره خير في مقدم الصيف =ونهار غبه كل طرقي يعده
ينثر ثعوله فوق هاك الشفاشيف = اللي لها عن شوفه السيل مده
طاريه يسعدني وأنا مع هل السيف = وقلبي وعيني يابو نواف قده
شوفه يعوض بشوف باريس وجنيف = ويعوض فالدمام عندي وجده
أنا أسهمي وتجارتي شوفه الريف = وممشاً مع البدوان قامه وشده
مستور حال ولا عليه تخاليف = وماجاء من المعبود ماعنه صده
شفقٍ على فرقا البحر والمجاديف = عيدي إلا فارقت جزره ومده
هوايتي مبداً بروس المشاريف = ومد النظر في سهلهٍ مجرهده
وباقي الحياه رقاد وأكل وسواليف = جنه ضعيفٍ لازمه مايسده
ماكلفه وقته من الهم تكليف = يضح الضحى هو ماتعدى المخده
هذا وأنا ماصنف الناس تصنيف = من طاب طيبه طيب خاله وجده
ياأهل الجمايل طيبين المواقيف = قد قيل علمٍ تستحي منه بده
ساعه بنات الفكر جني مراديف = لديت في بعض المواضيع لده
اللي تبي شرحٍ مفصل وتعريف = مربوطهٍ مابين هاته ووده
تمت ويالله يامكاف الصواديف = عسى اللي نبني وقتنا مايهده
ياعزام كيف أدله وأسولف وكيف أرتاح = وأنا في ضميري كلمهٍ ماهرجت بها
أجامل وأكافح وأدري أن الحياه كفاح = وأنا ماكسبت ألا مراره متاعبها
خذتني على ماتشتهي لين عمري راح = سنين الصبا عني تقافت ركايبها
رسوم الكبر في لحيتي شيبها فضاح = نصفها والآخر فالنواصي يلوح بها
والأيام تلعبي بيدها كما المسباح = وأنا والله أني خايفٍ من تلاعبها
ثلاثين عام الهم عن خاطري مانزاح = هذا اللي كسبت من الحياه وتجاربها
ياناس مالي فالغزل ودروبه = أعلنت من هاذا المكان التوبه
لو يعترض عنق المها قدامي = والله ماعاد الد عيني صوبه
ولا عاد يجذبني بحلو أخلاقه = وبهرجته وبضحكته وأسلوبه
أخشى من المنقود ومن الزله = ومن غلطهٍ تبقى علي محسوبه
جنبت عن درب الهوى بالمره = والعين من يم البني محجوبه
خليت درب الحب ومعاناته = للي يادوبه فالمحبه دوبه
الليل كله مشغلٍ جواله = ويقول أدورلي على محبوبه
والعصر في سوق النساء متمركز = يعدل شماغه وكاويٍ ثوبه
ماهو بمثلي غارق ٍ في همومي = كني على ماقيل في غيبوبه
يوم أتمعن فالزمن وصدوفه = وأيامه اللي بالقسى مصحوبه
أقول يانفسي وأخاطب نفسي = دنيا الشقى نياتها مقلوبه
تدرج رحاها بين يوم وليله = وفيها لصاحين العقول أعجوبه
مير الفطين اللي يلد لربه = ويطلب من المولى يغفر ذنوبه
وختامها يالله لاتخذلنا = وأفتح لنا باب الفرج والتوبه
كريم يابرقٍ سراله رفاريف = جعله على دارٍ عيوني توده
وجعله بشاره خير في مقدم الصيف =ونهار غبه كل طرقي يعده
ينثر ثعوله فوق هاك الشفاشيف = اللي لها عن شوفه السيل مده
طاريه يسعدني وأنا مع هل السيف = وقلبي وعيني يابو نواف قده
شوفه يعوض بشوف باريس وجنيف = ويعوض فالدمام عندي وجده
أنا أسهمي وتجارتي شوفه الريف = وممشاً مع البدوان قامه وشده
مستور حال ولا عليه تخاليف = وماجاء من المعبود ماعنه صده
شفقٍ على فرقا البحر والمجاديف = عيدي إلا فارقت جزره ومده
هوايتي مبداً بروس المشاريف = ومد النظر في سهلهٍ مجرهده
وباقي الحياه رقاد وأكل وسواليف = جنه ضعيفٍ لازمه مايسده
ماكلفه وقته من الهم تكليف = يضح الضحى هو ماتعدى المخده
هذا وأنا ماصنف الناس تصنيف = من طاب طيبه طيب خاله وجده
ياأهل الجمايل طيبين المواقيف = قد قيل علمٍ تستحي منه بده
ساعه بنات الفكر جني مراديف = لديت في بعض المواضيع لده
اللي تبي شرحٍ مفصل وتعريف = مربوطهٍ مابين هاته ووده
تمت ويالله يامكاف الصواديف = عسى اللي نبني وقتنا مايهده
ياعزام كيف أدله وأسولف وكيف أرتاح = وأنا في ضميري كلمهٍ ماهرجت بها
أجامل وأكافح وأدري أن الحياه كفاح = وأنا ماكسبت ألا مراره متاعبها
خذتني على ماتشتهي لين عمري راح = سنين الصبا عني تقافت ركايبها
رسوم الكبر في لحيتي شيبها فضاح = نصفها والآخر فالنواصي يلوح بها
والأيام تلعبي بيدها كما المسباح = وأنا والله أني خايفٍ من تلاعبها
ثلاثين عام الهم عن خاطري مانزاح = هذا اللي كسبت من الحياه وتجاربها
