قصيده في حفل الشيخ منير إبراهيم الذيابي

يـامـرحبـا قـدر ومـعـزه وتـقـديـر
باهل الظفر وأهل السطر والحميه
ترحيب أحلى من حليب المصاغير
وأزكى طعم من رشـفة الـشاذلـيه
ترحيب بسم منير في محفل منير
شـيخ الـشهامه والكـفوف النـديه
شـيخن قباله خـير ويـبشر بـخيـر
وريـث مـجـد ولابـتـه صـيـرمـيـه
جينا لاجل سامي نسوق التباشير
ونشارك أهـل الـمجد والـمقـدريه
ماهو غريب الطيب عند المناعير
ذبـاحـة الـحـايـل نـهـار وعـشـيـه
ذولا خوالي فالليال الـمعاسير
مـداتــهـم جــزلـه ولاهـي رديـه
وقفاتهم مثل السيوف البواتير
لجل الفخر تـارد حـياض الـمنيه
نارد على العليا بدون اي تاخـير
ونكبر عن علوم الردا والـرزيـه
تاريخنا ماهو دعايه واسـاطيـر
يشهد على ماقول كل الـبريـه
عتـيـبه الهـيـلا طوال الأشابير
ثـلث الـحجـاز وثـلث نـجد الـعذيـه
نرسي على كبد الجزيرة كما النير
ونـزيـد عـز وهـيـبـه ومـقـدريـه
نـجود بـالفزعه ونـفرق عن الغير
فـي جـاهـنـا والـمـدة الـحـاتمـيـه
والـيوم عنـد مـنـير ريف المسايير
قدمت له جزل القوافي هـديـه
شيخٍ كريـمٍ مـايـحسب الـمـخاسـيـر
يرخص حـياتـه لـجل يـرفع خـويه
شيخٍ ليا ضـاقت يـقود الطوابير
نفسه على روم المـعالي جـريه
وريـث شـيخٍ يصـخر المجد تصخير
تـلـقـا بـوجـه للـوفـا جـاذبـيـه
يـاخـالي ابعث لـك هديه وتقدير
وتـستاهـل التقـدير هـو والـهديـه
وختامها وعداد ما غرد الطير
صلًوا على اللي خصه الله نبيه
محمد اللي بشر الناس تبشير
صلوا عليه بكل صبح وعشيه

صح لسانك مدد

صح الله لستك