مرثيه في والدي ماجد بن ملافخ العتيبي رحمه الله

مرحوم يالي كافي الخلق شرك
ماضيم شبلن وانت لحمه ودمه
الحزن بقلوب المعزين برك
لفراق غالي مات محدن يذمه
كل العلوم الغانمه ماتغرك
وجهك طليق وصاحبك ماتغمه
اسقيتني حلوك وخليت مرك
ل نذلن لياشانت طبوعه تسمه
يالله عسى الجنه يابويه مقرك
ويجبر عزانا والعزاء بك مطمه
لامن ذكرتك زاد بالصدر حرك
والقلب من فرقاك يزداد همه
رحنا أنا ونايف لقبرك نمرك
وانهل دمعي والمحاجر تلمه
لو شفت حالي للاسف مايسرك
فكري مشتت والهواجس تخمه
يامن لساني بالدعاء لك تحرك
تشفع لبويه والدعاء في متمه

رحم الله والدك وجميع اموات المسلمين قصيدة رائعه