مدح في قبيلة الحفاه للشاعر سعود بن هملان الحافي

بسم الله الرحمن الرحيم

مدح في قبيلة الحفاه

للشاعر سعود بن هملان الحافي


ياهجوس في ضميري مستعده
استهلي وامطري مثل السحابه

لين قافي كل رجال (ن يعده
فـ الرجال اللي لهم قدر والمهابه

ولا مدحت الا رياجيل الاشده
يامضيعت السؤال من الاجابه

الحفاه اهل الفعول المجرده
يوم صكات القبايل والاحرابه

نلطم العايل وناطا فوق خده
واطيب الشجعان مانحسب حسابه

ماكسبناهاعواري مع موده
سيفنا صاطي وعزه في نصابه

نزهج البيدا وحادينا نحده
شلوة الكفار هم حربة عتابه

هم مطنخ روق في الين وشده
والردا والطيب مافيهم تشابه

فعلنا كل (ن على البيدا يعده
من جنوب المملكه لين الهابه

وعزنا مثل البحر جزره ومده
من تهاون غبته مواجه غدابه

وصيتنا عود (ن لك الله فاح نده
والفخر من طيبنا نلبس ثيابه

وان حضرنا كل محضار(ن نسده
ننهي الموضوع ونفك الطلابه

في ذرانا راعي الناقه يوده
لو خصيمه حد اله ضرسه ونابه

دونه اللي يفتخر في فعل جده
عن حضوره تكفي الهيبه غيابه

نحتميها لا وصل فـ العلم حده
لا احتما الميقاف نزتاد ابـ صلابه

نحمي الشيخان والغازي نضده
ماخلق فينا لاردي والا زلابه

مثل يوم نطاق رد العلم رده
لا حصل فـ الوقت ميله وانقلابه

نحمي الشيخان والغازي نضده
ماخلق فينا لاردي والا زلابه

صح لسانك يا ابن هملان وماقلت الا الصحيح

صح بدنك وابن هملان من هوامير الشعراء