المساجد والصخا والصوم وسمان الجلايب ... والمصاحف والحرم والهيل والطيب وسبيله

قصيدة رثاء للشاعر الكبير نايف صقر العتيبي قالها في وفاة جده مرزوق بن حمدان بن مسعد

المســـــاجد والصخا والصوم وســـمان الجلايب ...... والمصاحف والحرم والهيل والطيب وسبيله

والبنادق والكرم والنوق وارســان الركـــــايب ....... والليــالي والحطب والنار والتمـر ونخيله

والمزاهب والســــفر والخيل وظهــور النجايب ....... والمساري والسهر وسهيل والبيد الطويله

من يعزيــها بعد ما مات حـــــلال النشـــــايب ....... من يســامرها بعد ما مات كساب الجميله

يا لله الوهاب غياث الثـــرى جــــزل الوهايب ....... يا لله المنـــــان يالــرحمن يارب النفيـــله

سق لقبره من بكور الوسـم هتان الســـــحايب ....... ماطـــرٍ تروي به القيعــان والظامـي يخيله

والغصون اللي طعنها البرد بســـيوف الهبايب ...... لاتثنــــى في يدين البــرد ليـن ابرد غليله

ميتٍ يالدمع وجفـــون الزعل قبر و نصـــــايب ...... والبكا بارد وانا روحي على جمر المليله


وسلامتكم

قصيدة معبرة


يعطيك الف عافيه يابو فراس على نقلها لنا .

حياك الله يا ابو وعيل ومشكور على مرورك الكريم


تحياتي

بارك الله فيك على ها المشاركة

مشكور على مرورك اخوي الكريم

لاهنت يابو فراس على هالقصيدة
وبارك الله فيك
لا عدمناك

الله يعطيك العافيه يابو فراس , على هذة القصيدة المعبرة.

الله لا يهينك يالخنفري

واسعدني مرورك يالطيب

تقبل تحياتي

حياك يا ابن مشيب

ومرورك شرفنا

تقبل تحياتي