الطارف من الشعار .
فهد صقر الغنامي25-Apr-2008, 08:26 PM
ياسلام الله سلام(ن) كما طب الطبيب = يبري العله ويكوي عطيب جروحها
من يناقش صاحب الفكر والعقل اللبيب = في خلاصتها يفيح العطر من فوحها
رفيع المنزل25-Apr-2008, 09:01 PM
مرحبا يالشاعر اللي تسلم خذ وجيب=والبيوت اللي على ساس تبقى صروحها
تطلع الزبده ليا قمت خضيت الحليب=ياتخاو الناس والا تروح بروحها
فهد صقر الغنامي25-Apr-2008, 09:41 PM
البقا بك يالمرحب وزيد الطيب طيب = جيت في نجد العذيه وشوف اطروحها
من يشوف اطروح نجد العذيه مايطيب= تشرق وتنشر بالافاق ساطع ضوحها
رفيع المنزل25-Apr-2008, 10:06 PM
يالعتيبي مابكم عندنا شك ٍ وريب=ضيق افاق الحكي لاتزيد فتوحها
انت ترمي بس مدري تصيب ولاتصيب=الوكاد افتح عيونك ومد شبوحها
مرزوق حمدان العتيبي25-Apr-2008, 10:14 PM
...
.
من يشوف اطروح نجد العذيه مايطيب
تشرق وتنشر بالافاق ساطع ضوحهـا
...
الله الله يابو صقر .. صح لسانك وازهل الصف ...
ولايهون رفيع المنزل ..
...
مرزوق حمدان العتيبي25-Apr-2008, 10:16 PM
انت ترمي بس مدري تصيب ولاتصيب
الوكاد افتح عيونـك ومـد شبوحهـا
الله الله يارفيع المنزل
صح لسانك
...
فهد صقر الغنامي26-Apr-2008, 01:10 PM
طيبنا نكسي البعيدين منه والقريب = جيت بالقمه وبيض الحمام بدوحها
مانشوف الا السماء عادة(ن) ماهي بعيب = لا اختلط في الارض جد البشر ومزوحها
فهد صقر الغنامي26-Apr-2008, 01:13 PM
استاذي ....معلمي....مرزوق
مرحبا بك والشرف لنا طال عمرك انك بصفي والله يحيك ولايهينك
وننتضر رفيع المنزل
رفيع المنزل27-Apr-2008, 12:00 AM
مانقول الا وفيين والخايب يخيب=مار انا من نسل قوم ٍ كبير طموحها
ماتشوف الا السما ماتحوش الا النصيب=غير كان بوسط قلبك سوالف بوحها
رفيع المنزل27-Apr-2008, 12:01 AM
مرزوق العتيبي
الله محييك
مرورك شرف
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
